Napangakas na ang mga campaign materials nga nalansang kag natapik sa mga kahoy sa bangga scala sa Barangay Estefania.
Ang DPS kag City Engineers Office upod sa ipm nga gintalana sang natukod nga post-election clean-up committee ni Mayor Evelio Leonardia ang nagsugod naman panghimus sang mga tarps kag streamers sa mga dalanon sa siudad.
May mga kandidato man nga nangakas naman sang ila campaign materials sa bulig sang ila mga supporters.
Suno kay City Administrator Edward Joseph Cuansing, pamuno sang post-election clean-up committee nga ila man gina abi-abi ang pagbulig sang pila pa ka mga kandidato kag ila mga suporters sa pagkuha sang mga natakod nga campaign materials.
Humalin kahapon, ginsuguran naman sang dpwh kag katapo sang Oplan Baklas ang paglimpyo sang mga main highways.
Halin sa Barangay Singcang Airport pakadto Pahanocoy ila ginkakas kag ginpang gabot ang mga flaglets, mga streamers nga yara sa center island pati na ang mga campaign materials nga natapik sa mga pader kag commercial establishments.