Isa ka hulot sa Jose B. Puey Elementary School sa Sagay City ang nasunog, Miyerkules sang hapon.
Suno sa Sagay Bureau of Fire Protection, nagsugod ang kalayo sa naga tinumpok nga sagbot sa gwa sang classroom, nga posible nahabuyan sang sigarilyo kag nagkalayo.
Wala gilayon matalupangdan kag nagdako ang kalayo.
Minimal lang ang damage sa classroom suno sa BFP.
Dako ang bulig nga wala nag-panic ang mga personnel sang eskwelahan kag may ihibalo sila sa pag-gamit sang fire extinguisher bangud ila gilayon nga napalong ang kalayo.