Ndi mag untat ang siudad sa ginapatuman sini nga clamping kag towing bisan pa magpasaka sang kaso ang mga abugado matapos nga may na clamp kag na tow nga nga salakyan sa gwa sang Hall of Justice.
Ini ang panindugan ni Bacolod City Mayor Albee Benitez. Para sa alkalde may gina basehan man sila nga ordinansa sa pagpatuman sang clamping kag towing sa Gatuslao Street sa Bacolod.
Kun magpasaka sang reklamo ang mga abugado, iya ini nga gina welcome.
Para naman kay Bacolod Traffic Authority Office Head Patrick Lacson, mas maayo gani para maklaruhan man ang isyu suno sa iya.
Naga panindugan siya nga ang Gatuslao Street ang yara sa idalom sang jurisdiction sang Bacolod City.
Damlag pa ginsiling nga presidente sang Integrated Bar of the Philippines Negros Occidental Chapter nga si Atty. Atty Gerry Llena ila nga gina tun-an sa karon ang pagpasaka sang kaso batuk sa siudad bangud may pending sila nga request nga tugutan sila sa pagparking sa amo nga dalan.
Suno pa sa iya ginpakahuy-an pa ang mga abugado sa natabo nga clamping kag towing.