Ginpapanaugan ni Bacolod City Mayor Greg Gasataya si City Veterinarian Dr. Maria Agueda Trinidad Dela Torre sang Show Cause Order matapos madiskubrehan ang 39 ka sets sang expired ASF test kits nga nagabalor P2.457 milyon.
Base sa dokumento sang Office of the City Mayor, ginmanduan si Dela Torre nga magpaathag kun ngaa wala na-manage kag na-utilize sang insakto ang ASF test kits nga ginbakal sang siudad sang Nobyembre 2023 pa.
Si Dela Torre, nga Vice Chairperson sang Task Force on ASF, amo ang responsable sa custody kag implementasyon sang ASF surveillance kag testing.
Ang pag-expire sang madamo nga test kits nagapakíta sang posible nga kakulangan sa plano, monitoring kag implementasyon, nga mahimo mangin basehan sang gross neglect of duty kag inefficiency.
Base man sa dokumento, ang City Veterinary Office ang implementing office sa pagbakal sini, rason nga dapat gina monitor.
Gintagaan si Dela Torre sang lima ka adlaw para magsabat.*