City Veterinary Office natalana magpatigayon sang inspection sa mga babuyan pati na sa mga backyard hog raisers.
Indi pa mapat-od sang Bacolod City Veterinary Office ang kabangdanan sang ginkamatay sang pila ka mga baboy, ilabi na sang mga backyard hog raisers sa siudad.
Gani ginmando ni Mayor Albee Benitez kay City Veterinarian Dr. Agueda Dela Torre nga magpatigayon sang inspection agud mapat-od man kun may yara sang hog cholera cases sa siudad.
Tun-an man nila kun kinahanglan sang libre nga vaccine para sa hog cholera agud mapasiguro ang ikaayong lawas sang mga consumers.
Ginsiling ni Dela Torre nga may mga na-report nga nagkalamatay nga baboy sa Barangay Alangilan pero sa ila nga pagpang-usisa naga gwa nga nahagal kag na-heatstroke ang mga baboy epekto man sang mainit nga panahon.
Dugang niya nga masami man nagaluntad ang mishandling sang mga ilihawon nga baboy nga nagalab-ot sa slaughterhouse kabangdanan nga ginapatuman ang emergency slaughter.