Ang ini nga lima ka kilo nga baboy gikan sa Capiz ang naka lusot sa Bredco port kag nadala pa sa EB Magalona. Sugbahon kun tani sa haya ang baboy apang natukiban sang punong barangay gani gilayon nga ginsunog ang baboy.
Ini ang isa sa mga ginabudalayan sa karon sang ASF task force… Ang pag bantay sa pagsulod sag baboy kag pork products sa probinsya.
Indi man abe mapwersa sang task force ang mga driver sang mga wing van nga buksan ang unod sang ila truck . Gani mangayo sila sang bulig sa pnp.
Pangabay sang city veterinarian nga si Dr. Maria Agueda Trinidad dela Torre sa publiko likawan anay ang pagbakal kag pagpasulod sang pork products sa probinsya kag sa bacolod pati na ang sikat nga brand sang siopao.
Ginreport nga gikan sa Oton, Iloilo may ASF snaman sa banwa sang San Miguel. Gani panugyan ni Mayor Albee Benitez tapaon na mismo ang pagwa sang pork products sa mismo mgha lugar kun diin naga halin ang pork products.
Iya ini ga talakayon sa Regional Developmental Council Meeting. P6 billion pesos ang swine industry sang Negros Occidental gani gina halongan gid.
Gina patay ang mga baboy kun matukiban nga may ASF sa isa ka pigerry kag sa mga kaiping sini nga baboyan.
Kun masudlan ang Negros Occidental gina lantaw nga dako ang mangin epekto sini sa ekonomiya sang probinsya kag sa presyo sang baboy sa merkado.