May walo na naman ka mga baligyaan sa higad sang dalan sa Fr Ferrero Street Barangay 12, Bacolod City ang ginpangbaklas sang City Legal Office.
Lakip sa mga ginpang-guba sang CLO ang isa ka kalan-an nga nag patukod na sang permanent structures.
Suno kay Atty. Clarence Isulat, sa amo nga operasyon, tatlo ka food carts ang ila nakumpiska.
Samtang ang mga tag-iya sang apat pagid ka food carts ang nagpangabay sa CLO na sila na mismo makuha sang ila nga mga carts sa higad sang dalan.
Ginsiling ni Atty. Karol Joseph Chiu, pamuno sang CLO nga nagapadayon ang ila nga clearing operations sa siudad.
Ginklaro man niya nga wala sang pinilian ang siudad sa pagpatuman sang layi.
Dugang pa niya kinahanglan ang Barangay mismo ang magpatuman sang mga ordinansa sang siudad agud malikawan ang pagbalik sang mga illegal structures.*
[sibwp_form id=1]