Wala sang hoarding sa supply sang farm inputs kasubong sang feeds kag abono. Indi lang presyo sang baboy nga karon nagasaka ang ginatutukan sang Bacolod City Price Monitoring Council.
Ginsiling ni City Administrator Lucille Gelvolea nga nalakip man sa ila gina monitor ang presyo sang feeds kag iban pa nga farm inputs nga sarang maka apekto sa presyo sang baboy sa merkado,ilabi na karon nga manubo ang supply.
Gindugang ni Gelvolea nga base man sa ila pagsinapol sa katapo sang Price Monitoring Council wala sang na-monitor nga naga-hoarding sang feeds sa siudad.
Samtang ginalauman ni Gelvolea nga sa madasun nga sinemana maga amat amat na nubo ang presyo sang baboy sa merkado dungan sa pagsulod sang supply sang pork kag pork meat products resulta sang pag lift sang pork ban sa Bacolod.