Inventory sang citation ticket ginapatigayon sang City Legal Office para ma usisa ang issuance sang gin-ballpen nga resibo sa City Treasurer’s Office. Natugyan na sang Bacolod Traffic Authority Office ang tanan nga mga naissue nga citation ticket sa City Legal Office para sa natalana nga inventory.
Ginpahayag ni BTAO head Patrick Lacson nga kabahin sang ginpatuman nga imbestigasyon angut sa issuance sang gina alegar gin-retoke nga resibo sang kahera sang City Treasurer’s Office ang pag inventory sang citation tickets para masiguro nga nagasanto ini collection sang siudad.
Ginaklaro ni Lacson nga wala nagabaton sang bayad ang BTAO halin sa mga traffic violators bangud direkta ini nga nagakadto sa satellite office sang City Treasurer’s Office sa dalan Lacson.
Damlag pa isa ka rider nga janitor ang nagpalab-ot sang reklamo sa Isugid mo kay Mayor sang matalupangdan nga ginballpen lang gindugang nga number 1 sa P1,300 nga printed receipt para sa penalidad nga ginbayaran. Natukiban nga P300 lang ang nabaton sang siudad.
Sa karon temporary nga gin-ilisan anay ang kahera sa sattellite office samtang ginpatuman ang pagpang usisa.