![](https://i0.wp.com/digicastnegros.com/wp-content/uploads/2024/02/image-390.png?resize=716%2C403&ssl=1)
Commission on Human Rights ang nagpatigayon sang pagpangusisa angut sa natabo nga encounter sang nagligad nga semana sa siudad sang Escalante kun sa diin tatlo ang napatay nga nagalakip sang isa ka babaye.
Suno kay CHR – Negros Occidental head, Vincent Parra, nagsugod na ang ila talatapan patuman sang independent nga pagpangusisa.
Paathag niya, ini bangud sa idalom sang Magna Carta for Women ang CHR ang Gender Ombud ukon ang naga advocate sang pagpangapin sang kinamatarung sang mga kababainhan.
Ginkilala sang militar ang mga nagkalamatay nga sanday, Emaryn Pastedio, kilala nga Jandy,Christopher Ebarle, kilala nga Michael, kag Jose Caramihan kilala nga Jose.
Suno sa militar kabahin sila sang mga nagkalabilin nga katapo sang na dismantle nga Northern Negros Front.
Gina siling man nga senior citizen na si Jose Caramihan kag suno kay Parra ila nga hatagan atensyon.
“Independent investigation kay may babaye nga napatay. Under sa Magna Carta for Women kay kami man ang Gender Ombud sang sina nga laye, ga undertake kami sang investigation sa sina nga killings nga in relation sa babaye. I was told si Caramihan ni senior citizen, so i-take into consideration man na namon, may investigator nga nga lain nga naga kapot sina”, suno kay Parra.
Wala pa sang may nakapalapit nga himata sang mga napatay sa opisina sang CHR.
Ila man tutukan ang air strike nga ginpatuman upod na sa mga na displace nga pumuluyo.
Samtang, kaina sang aga gin-report sang 79th Infantry Battalion nga may naka engkwentro naman nga armado nga ila nga tropa sa Escalante City nga nag resulta sa pag cancel sang klase sakop sang Barangay Libertad, Pinapugasan, Binaguiohan, Paitan, Dian-ay, Magsaysay, Malasibog kag Tamlang.