Naka patigayon na sang initial investigation ang Commission on Human Rights-Negros Occidental may angut sa gina alegar pagkapatay sang 18 anyos nga grade 10 student sa San Enrique bangud sang hazing.
Suno kay CHR-Negros Occidental head Romeo Baldevarona, ila gilayon gin patigayon ang imbestigasyon matapos i mando ini sang national office. Sila ang nakapadala naman sang report may angut sa natabo.
Sandig sa statement ni CHR spokesperson, Atty Jacquelin Ann De Guia, mabaskog ang panindugan sang CHR batuk sa hazing kag sa konsekwensya sini gani ila gina pahanumdom sa mga eskwelahan nga bisan pa wala pa online classes lang ang mga estudyante, ila dapat sa gihapon pangapinan ang mga ini kag ila nga kinamatarong.
Luyag sang CHR nga hugot nga mapatuman sang eskwelehan pati na sang security sector ang Anti Hazing Act nga isa ka paglapas sang kinatamarong sang estudayante suno sa ahensya.
Natabo ang initiation sa grade 10 student sang Setyembre 4 kun sa diin siya gin paddle sang tatlo ka mga miyembro nga iya man mga mga kaupod sa grupo.
Siya ang nag taliwan sang Setyembre 9 matapos mag hilanat dala sang mga samad nga na agum bangud sang hazing.
Ang PNP ang nagpahayag man nga mapasaka sa dasun nga semana sang kaso ang pamilya sang biktima batuk sa tatlo ka suspek, matapos na lang nila malubong ang ila anak.