Kaso nga grave coercion pa lamang ang tigayon nga na file angut sa Fausto Massacre nga natabo sa siudad sang Himamaylan sadto Hunyo.
Himata sang mga biktima nga magatindog complainant wala na sa Negros.
Ini suno sa pamuno sang Commission on Human Rights sa Negros Occidental nga si Vincent Parra.
Sa iya nga pagpakig-angut sa pulis suno kay Parra, wala pa tigayon nga na-file ang murder charges bangud sila ang nagahulat sa anak sang mag-asawa nga Rolly kag Emilda Fausto bangud ini ang maga tindog complainant sa kaso.
Suno kay Parra sa impormasyon sang CHR wala na sa Negros ang amo nga himata.
Sarang man maka tindog nga complainant sa kaso ang pulis suno kay Parra pero lipod na sa iya ihibalo kun ano pa gid ang iban nga rason kun ngaa wala tigayon na file ang murder charges.
“Ang information sa akon ni Deputy Margallo is that wala sila ka file pa kay tungod gina hulat nila ang complainant, ang bata bala. Nga hasta subong wala gyapon kakadto. Pero ginhambalan ko naman siya nga as per information nga akon nabaton wala na sila di ya sa Negros. So kun maghulat pa sila basi madugayan ang pag file sang kaso na nila. I don’t know kun amo lng gid na ang rason”, suno kay Parra.
Ang grave coercion suno kay Parra ang gin-file batuk sa gina alegar katapo sang NPA nga gina alegar nag pwersa kag nag harass sa mga kaingod sang Fausto sa Brgy Buenavista sa Himamaylan para itudlo sila.
Sarang makabaton ang mga nabilin nga himata sang pamilya Fausto sang financial assistance sa tion nga mahikot na ini. May financial assistance para sa kada nautas nga kabuhi.
Ang mag-asawa nga Fausto upod ang duha nila ka mga menor nga edad nga kabataan ang napatay sadtong Hunyo 14 sa ila nga balay sa Buenavista Himamaylan matapos gin pangluthang sang gina tudlo sang militar katapo sang rebeldeng NPA.