Ginahulat pa sang Provincial Health Office ang resulta sang laborartory test sa water sample nga ginpadala nila sa Research Institute for Tropical Medicine.
Suno kay Dr Ernell Tumimbang ang PHO importante nga mapat-od kun diin nag gikan sang infection kasunod sang pito ka kaso sang cholera sa Negros Occidental.
Pwede nga makuha ang cholera gikan sa contaminated nga tubig ukon sa pag kaon man suno kay Tumimbang. Kun indi gid man sa tubig, suno sa iya maga sulit naman sa pag pangusisa.
Padayon naman ang pagpatuman sang tikang karon para mapamatukan ang cholera sa probinsya. Isa na diri ang paghaylo sa mga pumuluyo nga pabukalan ang tubig nga gina inom kag magpatumans ang chlorination.
Lima ang kaso sang cholera sa Silay City, isa sa Eb Magalona kag isa sa Victorias City.
“Hoping nga dira maka kuha sang sample nga positive. Ang problema sina kun mag negative kay pa re-investigate. Ang tubig bala nga gina kuhaan, kun ina local water district, isa na siya ka linya. Kun ang imo nga seepage is going to your house only, okay na siya. But kun ang seepage mo gina distribute sa iban nga household kag amo man na ang water source te basi kun amo man na ang gina lupot sang iban”, suno kay Tumimbang.