Nagsaka sa 76 ang kumpirmado nga cholera cases sa Negros Occidental.
Suno kay Dr Jessica Fama ang Medical Specialist 3 sang Provincial Health Office, as of December 27, nagsaka man sa 76 ang confirmed cholera cases sa probinsya, pero indi na kasubong kadasig sang pagsaka sadto.
Nagapabilin naman sa tatlo ang cholera deaths.
Kun ilakip naman ang suspected cholera cases, ukon ang yadtong wala sang kumpirmasyon gikan sa laboratory, 144 sa kabilugan ang kaso.
Suno kay Fama, labing naga tinguha man ang mga banwa kag siudad nga malubad ang problema sa cholera, pero indi man madali-dali ini labi na nga ini ang may kaangtanan sa problema sa sanitation kag source sang tubig.