Nagsaka sa 63 ang cholera cases sa Negros Occidental.
Ang Talisay City ang may 22 ka cholera cases, ang Silay naman may 21 kag ang EB Magalona ang may 13 ka mga kaso.
Tig tatlo naman ka kaso ang Victorias kag Cadiz kag isa sa Manapla. Sa water samples nga ginpadala sa Research Institute for Tropical Medicine ang gikan lamang sa isa ka water source sa EB Magalona ang nag positibo sa vibrio cholerae.
Indi man mapat-od kun diin nag gikan ang cholera sa kadam-an nga mga kaso, suno kay Dr Ernell Tumimbang, ang PHO mahimo nga ini ang tuga sang mga unsanitary practices.
Dugang pa ni Dr Jessica Fama, Medical Specialist 3, ang resulta sa iban nga water sample nga ginpadala sa RITM naga pakita nga positibo ini sa iban nga form sang bacteria nga naga patimaan nga indi gid man safe ang tubig para imnon.
Pagpanghangkat naman karon sang PHO sa mga Local Government Units amo ang pag pasiguro sang compliance sang mga water refilling station sa testing sang tubig.