Gin-endorso na sang City Health Office ang rekomendasyon sa konseho sang Bacolod para sa pagtukod sang ordinansa nga magadumili sa mga wala pa mabakunahan sang Covid 19 vaccine nga maka gwa sa ila puluy-an. Ini magluwas lang kun ginakinahanglan ukon may emergency.
Ginklaro ni Dr. Edwin Miraflor, city health officer in charge, nga wala man sang igapatuman nga dakpanay sang mga unvaccinated individual samtang ginabalay pa ang mga pagsulundan.
Ang pagdumili sa mga unvaccinated nga maka-gwa sa ila puluy-an ang tikang nga ginhinyo sang Inter Agency Task Force sa mga local government unit agud nga mapangapinan sila sa virus kag mapunggan ang pagsaka sang Covid-19 cases nga tuga karon sang mga variants of concern.
Para kay Miraflor indi ini discriminatory kay kun basehan man ang data sang Emergency Operations Center, madiutay na lamang ang wala mabakuahan sa Bacolod.
Nalapawan naman sang siudad ang herd immunity kun diin masobra na sa 410 mil ka mga indibidwal ang fully vaccinated.