Graduate sang Carlos Hilado Memorial State University ang 10th placer sa November 2022 Civil Engineer Licensure Examination.
Si Jefferson Yu Cafino ang nangin 10th placer kag may rating nga 92.90 percent. Apat sila ang yara sa 10th place suno sa Professional Regulation Commission ukon PRC.
Nag top naman sa amo nga Licensure Examination suno sa PRC si Carl Jervin Rivera Magtira sang Universtiy of the Philippines – Los Banos nga may 95 percent rating.
8,029 sa 20,407 ang naka kapasar sa Civil Engineer Licensure Examination suno sa PRC.
Samtang, sa page sang CHMSU gina panginbulahan sang eskwelahan ang 50 ka mga bag-o sini nga Civil Engineers.
Ang CMHSU ang nangin rank 4 naman bilang Top Performing School.