Sa ika singkwentay singko nga Charter Day anniversary sang Bago City nagbutang sila sang isa ka bazaar sa Bantayan Park.
Sa sulod sang duha ka adlaw gintagaan sang ligwa ang mga sellers nga maka pwesto kag mapakita ang ila nga mga produkto. Iban diri sa ila mga online sellers.
may imported goods, kitchenwares….
May mga perfume, bags, tea set, rtw, knitted products, sapatos, bonsai plants kag nanari sari nga mga pagkaon ang sarang mabakal diri.
Sa bazaar limitado lang ang mga tawo nga pwede maka sulod. Dapat anay mag register kag kuhaan sang body temperature.
Estrikto nga gina sunod ang physical distancing. Luyag nila mapadayon ang katorse na ka adlaw nga COVID free ang siudad.
Suno sa kay Judylyn Lirazan, ang economic, investment and promotion officer sang Bago City… luyag nila nga mabuligan sa pag recover ang mga magagmay nga negosyante nga apektado sang pandemic.
Last day subong nga bazaar kag tubtob lang las otso sang gab-i.
Experimental pa lang ini nga proyekto pero subong pa lang luyag sang lgu nga sigehon pa bangud sang manami nga response gikan sa mga pumuluyo kag para man mabuligan ang mga negosyante.