Mayorya sang katapo sang 12th Council sang Sangguniang Panlungsod ang magkaalyado sa idalom sang Asenso Bacolod.
Gani paagi sa consensus nga na aprobahan sa inaugural session sang konseho kahapon, halos na-retain man sang mga re-elected city councilors ang ila committee chairmanship.
Sa pagbalik ni Councilor Caesar Distrito iya pamunuan ang Committee on Government Assets, PWD Affairs, Human Resource and Development kag Ways and Means.
Balik man kay Councilor Dindo Ramos ang Committee on Transporation and Traffic kag Urban Poor, Housing and Resettlement.
Si Councilor Bobby Rojas ang magapamuno sa Committee on Energy and Public Utilities, Trade, Commerce and Industry kag si Councilor Homer Bais ang mangin chairman sang Committee on Slaughterhouse and Veterinary Services pati na ang Committee on Environment and Ecology.
Si Councilor Wilson Gamboa ang mangin committee chair sang Human Rights, Veterans and History.
Magapabilin nga SP floor leader si Councilor Al Victor Espino kag pangunahan sa gihapon ni Councilor Thaddy Sayson ang Committee on Appropriation and Finance.
Sa nahauna nga sesyon sang konseho ginpalab-ot ni Mayor Greg Gasataya ang iya pagsuporta pinaagi sa bulig sa tanan nga mga departamento kag mga executive assistants sang executive branch.