Pag regulate sang pagbaligya sang mga uniform sang pulis, army kag iban pa nga uniformed personnel ginaduso sa konseho.
Antes pa man naglapta sa social media ang litrato sang gindakop nagpakuno-kuno nga pulis sa Luzon, natigayon na nga napasar sa first reading sang konseho sang Bacolod ang resolution nga maga regulate sa baligyaanay sang police uniform sa mga commercial establishment sa Bacolod.
Ginpahayag ni Councilor Pau Sy nga paagi sa ordinansa mapaiway ang pagbakal sang mga indi otorisado nga persona sang mga uniform kag insignia kasubong sang badge, pins kag iban pa nga para lang sa mga uniformed personnel kasubong sang pulis, army kag BFP.
Sa idalom sang ginaduso nga ordinansa iga-require ang certification gikan sa mga commanding officers agud masiguro nga indi magamit sang mga naga papulis pulis ukon mga nagapakuno kuno nga persona ang mga pagkabutang sang mga uniformed personnel.
Magatalana man sang multa nga may penalidad nga pagkabilanggu sa mga madakpan nagasupak sang ginadihon nga city ordinance.