Sa video nga kuha ni Marvin Sudoy makita ang naga daba-daba nga Ceres bus mga las sais kaina sang aga sa highway sang Barangay Taloc sa Bago City.
Totally destroyed ang bus nga naga biyahe Hinigaran-Bacolod bangud sang sunog.
Maswerte naman nga napapanaog na nga daan sang driver kag sang konduktor ang 32 tanan ka mga pasahero antes nag ibwal ang kalayo.
Suno sa Bago City Bureau of Fire Protection, nadeparahan sang driver nga si Rene Macabuyag, Jr., nga naga aso ang idalom nga parte sang bus gani nag pahigad siya kag ginpapanaog ang mga pasahero kag ginhukas ang battery sang bus.
Ginausisa pa sang BFP kun ano ang ginhalinan sang pag kasunog.