Ceremonial chopping sang lechon ang ginpatigayon para ipakita nga nagapabilin nga ASF-free ang Negros Occidental.
Suno kay Dr Placeda Lemana, ang OIC Provincial Veterinarian, may 30 tanan ka mga lechon ang naka helera, simbolo nga naga pabilin ASF free ang Negros Occidental.
May mga lechon manok man kasubong sang itlog nga nalakip sa pagpakita man nga nagapabilin nga bird flu free ang probinsya kag may nagakaigo nga supply sang baboy kag manok.
Nagbatyag man ang probinsya sang pork ban nga ginpatuman sang Cebu, pero sa gihapon naka pangita sang alternatibo kag padayon ang pagpadala sang baboy sa Luzon kag Metro Manila nga may maayo man nga presyo.
Nalakip sa ginbuksan ang Provincial Animal Learning Park and Hospital. Sarang makabisita ang publiko sa Animal Park kag maka avail naman sang services kasubong sang konsulta kag admission sa mga sapat gikan sa Animal Hospital sa mas barato nga presyo.
Suno kay Provincial Administrator Rayfrando Diaz para mabuligan ang mga farmers ang provincial animal disease diagnostic laboratory nagatanyag man sang ginakinahanglan nila nga serbisyo.