Community Environment and Natural Resources Office ang natalana nga magpasaka sang kaso batuk sa persona nga nagpang utod sang bakhaw sa kilid sang Sum-ag River sa Bacolod City.
Isa ka hearing ang ginpatigayon sang CENRO-Bago kaina sang aga angut sa reklamo sang mga pumuluyo batuk sa pagpang utod sang mga bakhaw sa kilid sang sum-ag river nga nasakupan man sang Barangay Pahanocoy.
Ginpahayag ni CENRO-Bago head Engineer Joan Nathaniel Gerangaya nga wala dapat ginpang utod ang amo nga mga bakhaw bangud isa ini ka pagsupak sa kasuguan kag wala man sang may na issue nga permit ang ila talatapan.
Base sa imbestigasyon sang CENRO, ang pagpang utod sang mga bakhaw ang kabahin sang development nga ginahimo para sa pagpatukod sang isa ka resort nga nagapatigayon man dang pag reclaim sang duta sa suba.
Ginahanda na karon sang CENRO ang mga nagakaigo nga dokumento kag testigo para mapasaka ang kaso batuk sa nagpa utod sa mga bakhaw.