Central Negros Electric Cooperative ang nagpasalig sa Commission on Elections nga wala sang power interruption nga matabo sa adlaw sang eleksyon.
Suno kay Provincial Elections Supervisor Ian Lee Ananoria, sila ang nagsapol sa CENECO kaina kag sila ang ginpasalig nga sa adlaw sang election sa Oktubre 30 wala sang power interruption nga matabo, bisan pa sa adlaw antes sang eleksyon kag sa adlaw pag katapos sang piniliay.
Suno kay Ananoria, indi man automated ang piniliay sini nga Barangay kag SK Elections, pero labing importante nga may yara sang nagakaigo nga supply sang kuryente. Samtang sini nga semana gina paabot ang mga accountable forms. Nalakip sa mga accountable forms amo ang mga balota, election returns, certificate of canvass kag iban pa.