Apektado ang Burgos, Mt. View kag Alijis feeders sang Ceneco tuga emergency shutdown agud makaaayo ang nag-laylay nga linya sang kuryente sa atubang sang Robinsons Mansilingan nga sakop sang Bacolod-Bata 69kv line.
Resulta sang duha tubtob tatlo ka oras nga brownout.
Sa official Facebook page sang Ceneco, ginpatpat nga humalin pa sang Lunes ang inoras nga may nagaluntad nga brownout tuga man sang pag trip off sang 69kv line.
Martes sang nag trip off man ang amo nga linya tuga sang transient fault nga masami tuga sang pagsapding sang mga sanga ukon dahon sang kahoy sa linya sang kuryente.
Ang tagdumalahan sang Ceneco ang nagapangayo sang paghangup sang mga kunsomidor sa pihak sang scheduled kag unscheduled power interruptions.