Nagapanindugan ang tagdumalahan sang Central Neros Electric Cooperative nga sa pihak sang labor dispute nga ila ginapangatubang, nagapabilin sila nga transparent sa ila pagdumala sang utility firm.
Suno kay Malou Parroco, pamuno sang Member-Consumers Initegrated Services Division, pabor sila sa ginaduso ni Congressman Francisco Benitez nga pag-review sa ceneco operations matapos ang notice of strike sang katapo sang Ceneco Union Of Rational Employees ukon CURE.
Damlag pa, plano sang CURE nga mag-strike kay wala napatuman sang Ceneco management ang nakasugtan nga paghatag sang dugang nga benepisyo sa empleyado pinaagi sa Collective Bargaining Agreement.
Ang gin-issue nga advisory sang nea angut sa wala malamb-ot nga 95 percent collection efficiency rate ang ginatudlo nga rason sang management nga wala nila napatuman ang CBA.
Gani para man kay Parroco, dapat man kuntani ma-review ang Republic Act 10531 nga amo ang nagahatag puder sa nea sa pag-supervise sa electric cooperative.
Ini sa pagpati nga naglapaw na ini sa ila nga mandate resulta sang nagaluntad nga problema sa tunga sang labor union kag management.
Tungod sang labor dispute may yara na sang assumption of jurisdiction ang Department of Labor and Employment sa Ceneco samtang nagapadayon ang negosasyon.