Nagbisita ang mga empleyado sang CENECO sa MORE Power sa Iloilo agud personal nga ma obserbahan ang moderno nga kagamitan kag organisado nga pagpalakat sini bilang isa ka pribado nga electric distribution utility.
Ang ginpadulungan sang mga empleyado amo ang mga state-of-the-art nga substations sa Molo kag Megaworld, ang 24/7 nga Customer Service Office, bag-o nga Control Center, Trading Operation para sa pagbakal sang barato nga kuryente kag warehouse sang mga kagamitan.
Ginpakita man sang MORE Power ang nanari-sari nga mga aktibidad para sa mga empleyado.
Base sa press release, ginsiling sang empleyada sang CENECO nga si Sheena Lyn Diaz, kun sa MORE Power nagalawig lang sang isa ka semana ang pag install para sa mga naga apply sa electrical connection, sa CENECO naga lab-ot sila sa masobra 3 tubtob 4 ka semana.
“Sa Customer Service na amaze kami kay teh most sang sa amon is sa application man. Maybe because si CENECO is cooperative pa siya bala. Damu kami requirements nga gina require, kis-a may mga indi masubmit. Sa installation lawig gid ya sa amon,” pahayag ni Sheena Lyn.
Gindayaw man nila ang mga moderno nga kagamitan, malayo sa mga equipment may yara sa subong sa CENECO, nga dinekada na nga naga operate sa Negros.
“Nakita ko gid nga daw kalayu sang nalab-ot na sang MORE which is bag-o lang ka sugod, layo na ang mga nalab-ot nila bala. Kag mostly Nakita ko sa substations, high-tech na gid ya. Malayo sa iban,” pahayag ni John Raymond Ortiz, Leadman, Service Installation sang CENECO.
Para naman kay Jonathan Prietos, Account Inspector kag 29 na ka tuig nga naga trabaho sa CENECO, tion na gid man agud batunon nila nga mga empleyado sang CENECO, nga kinahanglan sang pagbag-o.
“Okay gid ko ya. Nakita ta man nga kinahanglan na gid man sang CENECO nga mag move on ukon mag kwan sa lain na bala status kay kadamo sang problema sa CENECO nga ga pending indi maubra dayun” pahayag ni Prietos.
Suno kay Ma. Cecilia Pe-Calunod, Assistant Vice President sang Negros Power, gin imbitar ang mga empleyado sang CENECO para sa benchmarking sa ila sister company.
Ini agud sila mismo ang maka saksi sa kung paano naga operate ang MORE Power sa paghatag sang dekalidad nga serbisyo ilabi na sa customer service, 24 oras, pito ka adlaw sa isa ka semana.
Lakip man diri ang mga programa sang kumpaniya, para sa mga empleyado. Agud sila ang maka trabaho sang matawhay ang resulta, ila ma serbisyuhan sang maayu ang mga member consumers sang madasig kag may pagkabalaka.
“We do business, we train our people to be leaders in the long run. That’s why makita nila kag na witness in their very own eyes, may employee engagement gid. We value that. Holistic ang approach sa empleyado. The management always believes that giving benefits or attention to the welfare of the employees, would be giving also good service,” pahayag ni Ma. Cecilia Pe-Calunod, Head, Customer Care Department – MORE Power.
Sa subong, sila na mismo magabulig agud nga madayon ang Joint Venture Agreement sa tunga sang CENECO kag Primelectric kag makakuha sang prangkisa ang joint venture company nga Negros Electric and Power Corporation (Negros Power) suno sa press release.