Isa ka sunog ang nag luntad kahapon sa Barangay Bantayan sa Dumaguete City.
Makita sa video nga kuha ni Dg Uy Matiao ang tuman ka damol nga kalayo pati na ang aso nga dala sang sunog.
Nag lab-ot sa third alarm ang sunod kag 16 ka mga firetrucks ang nag bulig para mapalong ang kalayo.
Masobra duha ka oras ang nagligad antes gin deklarar ini ang under control.
Suno sa Dumaguete BFP, may kabudlayan sila sa pag palong sang kalayo bangud may mga pinta kag lubricants nga yara sa sulod sang bodega nga isa man ka residential area.
Isa man ka persona ang nag agum sang 1st kag 2nd degree burns suno sa BFP.
Ila pa gina usisa sa karon ang gintunaan sang sunog pati na ang balor sang halit nga gin tuga sang kalayo.
Pero isa sa gina alegar rason nga gina tan-aw karon sang BFP amo ang nalipatan nga cellphone nga gina charge.