Patay ang reporter sang Cebu Daily News matapos mabungguan sang Domingo sang truck ang ila sini nga motor sa banwa sang San Jose sa Negros Oriental.
Ang biktima amo si Pegeen Maisie Sararaña nga yara sa probinsya para mag cover sang massacre sa Pamplona.
Pilason man ang iya nobyo nga si Niel Balcobero nga amo ang naga dala sang motor.
Sa imbestigasyon sang PNP, nagapondo lang sa dalan ang motor sang mga biktima bangud matabok ini kun tani sila ang bungguan sang truck nga nag overtake kag naga dalagan humalin norte padulong sur nga direksyon.
Gindala pa sa ospital si Sararaña apang ini ang ginbawian sang kabuhi.