Cease and Desist Order ang ginpapanaog sa BISCOM may kaangtanan sa pag discharge ukon pag overflow sang molasses sini sa Binalbagan River.
Ginsiling ni Atty Wilma Lagance ang Chief Legal sang Environmental Management Bureau VI, personal nila nga ginserbe ang interim CDO sa BISCOM sang Miyerkules pero ang kasubong nga order ang ila nga na email sadtong Abril 22.
Nag take effect na ini kag magalawig ang interim CDO sa sulod sang pito ka adlaw magluwas na lamang kun ini ang iga confirm sang Pollution Adjudication Board ukon PAB.
Kun ini ang matabo, naga kasayuran nga ini ang mangin regular nga CDO na.
Antes pa man sang interim CDO napapanaugan na ila sang notice of violation ang BISCOM suno kay Lagance.
“Ang amon nga CDO, ang interim CDO ang life span ya ni is only for 7 days, effective only for 7 days, unless confirmed by the Pollution Adjudication Board. Gin endorse na ni namon kay PAB, ang amo ni nga kaso ang amon interim CDO for them, either i-confirm nila or kun ano man disposition ni PAB as to the endorsement of the interim CDO”, suno kay Lagance.
Paathag ni Lagance ang CDO naga pa untat sa BISCOM sa pag discharge sang molasses sini sa iya nga perimeter canal nga konektado naman sa drainage canal sang barangay kun sa diin ang discharge sini sa Binalbagan River.
Sa bahin sang EMB ila na nga ginpasemento ang padulong sa drainage canal.
Abril 19 sang gin-report nag awas ang molasses gikan sa Pond 2A/2B.
Suno kay Lagance ginsiling sang BISCOM nga dala ini sang high heat index nga nag tuga sang Maillard reaction nga isa ka chemical process rason sang pag overflow sang molasses.
Gilayon naman nag patigayon ang BISCOM sang tikang kaangay sang pag redirect sang nag awas nga molasses sa adjacent canal system kag pag pamutang sang sandbags. Ugaling wala ini lubos nga naka pugong sa molasses.
Padayon man ang ila nga coordination sa nagakaigo nga ahensya sang gobyerno. Magluwas sa transparent action sila ang nagpasalig sang accountability sa mga komunidad nga apektado.
Naga hinyo sila sang pasaylo sa naapektuhan.
Sila ang naghatag man sang commitment sa pag patuman sang tikang sa pag pahagan-hagan sang environmental impact angut sa natabo.