Sa haya sang 31 anyos nga si Ginalyn Iniez, indi sa gihapon makapati ang iya sini nga mga himata kun paano natabo nga na abisuhan niya pa ang iya sini apat ka tuig nga hinablos nga mag takas halin sa suba kay may mahulog nga bato.
Siya gani mismo wala maka pangaman nga may mahulog nga bato sa iya nga likod.
Ang bata ang indi na luyag magbalik sa suba bangud sang trauma.
Domingo sang aga samtang naga panglaba si Ginalyn kag ang iya mga himata kag kaingud balay sa Magsungay-Pequino River sa Barangay Vista Alegre sang hinali na lang nga mahulod ang dako nga bato kag nag igo sa iya nga likod nga nag resulta sa iya nga kamatayon.
Gani para masiguro nga wala na sang may mahalitan pa, ginpa assess ni Punong Barangay Leandro Lacson De Leon sa City Engineers Office kag City Disaster Risk Reduction Management Office kun bala makabig nga danger zone ang lugar.
Kaina nag patigayon sang inspeksyon si Engineer Allan Aguillon sang City Engineers Office sa area.
Ginkadtuan mismo ang bahin sang suba kun sa diin nahulugan sang bato ang biktima.
Posible kuno nga sa sige nga pagbubo sang ulan naghumok ang duta kag nadagdag na ang bato. Masami ang mga higad sang suba ang makabig gid man nga danger zone.
Basta danger zone indi pwede ma istaran sang pumuluyo. Pero ihulaton man nila ang assessment sang DRRMO kag ila ini pungkuan kaupod ang barangay.
Sa karon ginmando anay sang punong barangay nga likawan ang pagpang laba sa amo nga area. Ini na ang kinaangdan sang mga pumuluyo humalin sang una. Luyag lang sang barangay nga indi na masulit pa ang amo nga insidente.