May apat ka mga suspek nga ginalantaw nga amo ang sa likod sang kamatayon sang tricycle driver sa banwa sang Binalbagan.
Suno sa kay Police Lieutenant Glen Portunes ang Deputy Chief of Police sang Binalbagan PNP, may ara sila sang CCTV footage nga narecover malapit sa lugar sang insidente nga naga pakita nga may mga persona nga kaupod ang biktima.
Dugang pa ni Portunes, naginom-inom ang mga suspek kag ang biktima nga ginkilala sa kay Anthony Toledo nga residente sa banwa sang Isabela. Ginapatihan nga ini ang papuli na sa Isabela antes ini masapwan.
Nagaguwa sa ila nga imbestigasyon nga robbery hold-up ang motibo sa kamatayon ni Toledo bangud nadula na ang wallet sang biktima nga may unod nga 800 pesos kag wala na ang tricycle sang biktima.