Nagdangat sa 19 ang mga banwa kag siudad sa Negros Occidental nga nag-record sang hog deaths. Pinaka ulihi nga nag record sang swine deaths amo ang banwa sang Cauayan.
Sa datus sang Provincial Veterinary Office may 61 ka mga baboy ang ginreport napatay sa Cauayan gikan sa Barangay Mambugsay kag Inayawan.
Sa July 4 nga report, 178.2 million pesos na ang balor sang kahalitan nga natuga sang hog deaths.
Pero, ginsiling ni Negros Occidental Governor Eugenio Jose Lacson nga kadako na lamang sang gin nubo sa hog deaths sa kada adlaw gikan sa sadto masobra sa 400 karon naga sobra na lamang sa isa ka gatos sa kada adlaw.
May African Swine Fever man ukon wala suno kay Lacson ang protocol nga gina patuman sang probinsya santo sa gina mando sang Bureau of Animal Industry.
Malawig-lawig pa man ang cleansing kag recovery sa mga lugar, pero isa sa gina lantaw sang probinsya suno kay Lacson amo nga mahimo ipatuman sa mas temprano ang repopulation sa mga LGU nga green ukon wala naka record sang hog deaths.
Tungod sang sitwasyon karon, ginpauntat sa tanan ang repopulation.