Bacolod Mayor Albee Benitez ipatawag ang caterer nga nagserbe sang gina alegar pan-os nga pagkaon sang ginpatigayon ang iya nga State of the City Address.
Nakalab-ot na sa igtalupangod ni Mayor Albee ang reklamo sang mga bisita nga nakakaon sang gin-alegar pan-os nga pagkaon sa iya State of the City Address sa Bacolod City Government Center sang Miyerkules sang gab-i.
Suno sa alkalde wala pa man nabayaran sang siudad ang caterer nga nagserbe sang panyapon para sa kadam-an nga mga barangay officials, katapo sang private sector kag media nga nagtambong sa iya nga SOCA.
Gani iya ini ipatawag agud man mausisa.
Separado nga dinner buffet ang ginhanda sa gwa kag sa sulod sang BCGC sa SOCA sang alkalde.
May foodpacks man nga ginpanagtag sa iban pa nga nagtambong kalabanan diri mga city employees.