Caterer nangayo sang pasaylo sa mga nakakaon sang ginserbe nga pagkaon sa State of the City Address ni Mayor Albee Benitez.
Ini matapos nga ginpatawag sa Bacolod City Government Center ang amo nga caterer kaina.
Wala na nag atubang sa katapo sang media ang tag-iya sang Bigbellyfood2go matapos ang ginpatawag nga conference ni Mayor Albee Benitez agud ila man mapaathag ang reklamo batuk sa gina alegar pan-os nga pagkaon nga naserbe sa nagligad lang nga SOCA sang alkalde.
Isa lamang siya sa mga caterer sa ginpatigayon nga SOCA sang alkalde. Suno kay Secretary to the Mayor Atty. Karol Joseph Chiu, personal nga nangayo sang pasaylo ang caterer sa alkalde kag nagpahayag nga indi pan-os ang naserbe nga lengua, salad kag iban pa nga mahimu naapektuhan sang mapaang nga panahon sang ginpatigayon ang SOCA sang Miyerkules.
Ang caterer ang handa man nga mag-reach out sa mga nagreklamo nga bisita.
Isa ka dinner buffet ang ginhanda sang caterer sa malapit 1,300 ka mga nagtambong sa SOCA sang alkalde nalakip na diri mga negosyante, barangay officials kag katapo sang media.
Ginpahayag naman ni Benitez nga tungod sang natabo mahimo nga i-blacklist nila ang caterer sa mga accredited food supplier sang Local Government Unit.