Good Vibes

https://youtu.be/fQB_odN6Rgk?si=D6PU7wNBgbAJ52-F

Himamaylan City nangin champion sa pinaka una nga cheerdance competition sa Negros Island Region Athletic Association Meet.May report si Richard Caballero.

Tinagong Dagat liwat buksan sa trekkers antes mag Semana Santa.Paandam sang PASU indi pagkalipatan ang pila ka mga pagsulundan sa pagkadto didto parehos sa pagdala sang basura pauli kag pagkuha sang permit para sa drone.Humalin sa Pebrero 15 sini nga tuig temporaryo nga ginsira sa trekkers ang popular nga Tinagong Dagat sa sulod sang Northern Negros Natural Park ukon NNNP.Suno kay Protected Area Superintendent Ma. Gina Consolacion Gerangaya ini para matagaan sang kahigayunan sila nga makapatigayon sang environmental impact monitoring and assessment.Sa madason nga semana natalana ini nga himuon sang personnel sang NNNP kag pinaagi sini mahibaluan ang sitwasyon sang area.Kada tuig ini nga ginahimo para maka pahuway man makadali ang area gikan sa mga trekkers. Ini abi ang ...

Isla sang Molocaboc sa Sagay City mangin pilot area para sa pag-convert sang tubig dagat sa ilimnon nga tubig nga project sa idalom sang Department of Agriculture.May report si Romeo Subaldo.

Nakitalaw na kamo bala sang longganisa pudpod frog? Ukon ayhan sang diwal spread?Pila lamang ini sa mga matilawan sa gin patigayon nga Food Product Innovation Showcase sang mga culinary arts students.Aton saksihan ang ila mga culinary innovation sa sini nga report.

Mga nagapuyo sa nabukid nga parte sang Himamaylan City ginkadtuan sang nagkalain-lain nga ahensya sang gobyerno para madala ang pila ka mga serbisyo lakip na ang COMELEC registration.Bisan ang bato-batohon nga alagyan, mga banglid, suba kag ang malawig nga biyahe wala makapugong sa nagkalain-lain nga mga ahensya sang gobyerno nga malab-ot ang Sitio Madaja, Barangay Buenavista sa Himamaylan City.Sa post sang COMELEC Negros Island Region, tigayon sila nga naka rehistro sang 50 ka mga pumuluyo sa area. Las 6:30 sang aga sila nagbiya sa Himamaylan City proper kag tigayon nga nalab-ot ang area Las 10:30 sang aga.Wala sang kuryente ang area pero pinaagi sa generator set sang barangay natigayon ang voter’s registration.Suno kay Atty. Keinth Horario, ang COMELEC officer sang Himama...

902 tanan ka mga atleta kag coaches nga magatiglawas sa siudad para sa labing nahauna nga Negros Island Region Athletic Association Meet ang gintipon antes mag compete sini nga hapon para sa isa ka send off ceremony.Sila ang pagatawgon nga "Bacolod Azadores" nga ginalakipan sang 626 ka mga atleta kag 276 ka mga coaches.Kadungan sa amo nga seremonya, ginpanagtag na sang siudad ang tig 10,500 pesos nga training allowances sang mga atleta kag coaches.Ginkakibot nila sang mag-announce na si Mayor Greg Gasataya nga magahatag pa gid ang siudad sang dugang 2,000 pesos sa ila kon magsugod na ang kompetisyon sa Doomingo, Marso 1.Napanagtag naman sa ila ang ila mga jerseys, sporting gears, kag mga sapatos. Tanan ini ginsabat na sang siudad.Isa sa mga pambato sang siudad sa athletics, amo s...

Ginabulubanta 170 kilos nga blue marlin nadakop sa baybayon sang Sipalay City.Sa video nga gin post ni Rey Guiljon makita ang kabudlayan sang tatlo ka mga lalaki nga naga sakay sa bangka sa pagbutong pasaka sang Malasugi ukon Blue Marlin nga ila nadakop pinaagi sa traditional nga pamaagi sa pag pangisda gamit ang hook ukon ang boya-boya sa baybayon ang Sipalay City.Daw matuwas pa ang bangka sa pagkarga nila sang isda sa kabug-at sini.Gina bulubanta sang Tourism Office sang Sipalay City nga yara sa 170 kilos ang kabug-aton sang isda.https://youtu.be/qy-QhMKe4KQ?si=eu88OqFIH2pqQZXLAng nakadakop sang isda amo si Jhon Mark Lumagbas sang Barangay 2 sang Sipalay nga active member sang Sipalay Anglers Club kag organizer sang Sipalay City Game Fishing Tournament.Ginda...

Gatas sang baka nga gina supply sang mangunguma gikan Canlaon City ginahimo nga cheese.May report si Romeo Subaldo.https://www.youtube.com/watch?v=ghWldyXvkag

Ginsuguran na ang pagpangita sang talentado nga Negrense para sa Negros Got Talent!Ang audition ginsuguran na kaina sa northern Negros.Aton saksihan sa sini nga report.