Pinaka una nga temple sang Church of Jesus Christ of Latter Day Saints sa Negros Island Region ang ginbuksan sa publiko.Yari ang patilaw sa kun ano ang sarang makita sa templo sa report ni Richard Caballero.
Emosyonal ang isa ka war veteran nga Bacolodnon sa paghanduraw sang ika-84 nga Araw ng Kagitingan sini nga adlaw.Survivor siya sang pila ka mga ambush sadto. Panawagan niya sa mga pamatan-on, irespeto ang mga soldado bangud ila kabuhi ang ila nga gin sakripisyo para sa pungsod.May report si Richard Caballero.
Sa Good Vibes, libre kapon, konsulta kag bakuna ginatayag para sa mga hinuptanan.Ginbuksan kaina sang aga ang Pet Festival sa SM City Bacolod. Sa Pet Festival pwede makadala sang mga hinuptanan para mapabakunahan, mapa kapon kag mapa konsulta sa vet.Suno sa Assistant City Veterinarian Dr. Janine Sarthou, luyag nila nga matagaan sang maayo nga panglawason ang mga hinuptanan.Pero indi lang puro konsulta ang yari diri kay may ginpreparar man nga mga kalinagawan ang siudad.Balantayan ang pagahiwaton nga Pet Fashion Show kun sa diin bida ang mga pets kag ang ila nga OOTD ukon outfit of the day!Magluwas sa pagrampa, may yara man sang Rabies Quiz Bee para mapalapad ang ihibalo sang publiko parte sa responsible pet ownership.May mga ido man nga for adoption sa mga nagapang...
Mga imbensyon sang mga estudyante kag alumni sang TUP-Visayas ginbida sa technology convention.Isa na diri ang robotic arm nga pwede magamit sa crane para computer na ang mapagiho.May report si Romeo Subaldo.https://youtu.be/XBpvK-nzcrc?si=GpRUSzQ3VR5KJUeJ
Trending ang video sang isa ka PWD nga amay nga naga takod sang medal kag sablay sa iya anak nga nag graduate.Naga isahanon ang amay nga nag paeskwela sa iya tatlo ka kabataan pinaagi sa paglibod sang prutas.Yari ang report.https://youtu.be/nFK2JmL8HLk?si=XNGDkhQ3kzNJoeCL
Mga endangered nga flora and fauna nakita sa Northern Negros Natural Park sa ginpatigayon nga assesment.Hostel sa Don Salvador Benedicto open na for rentals.May report si Romeo Subaldo.https://youtu.be/BHVbbZ2Y3hE?si=xbxYR4S8tGzX_M3X
Madamo sang nalingaw sa video sang newly wed couple nga taga Barangay Santol sa banwa sang Binalbagan, Negros Occidental, nga nagsakay sa kabayo pakadto sa ila reception.Mga tunga sa oras nga sila ang nagkabayo tubtob nga nakalab-ot sa ila reception sa Sitio Amilis, kun diin nagahulat ang ila mga himata kag abyan nga ang iban gikan sa Negros Oriental kag sa tabok isla - sa Iloilo.Suno sa bride nga si Pearl Dency Balinas Faburada, ang iya ginsakyan nga kabayo, ang madugay na nila nga hinuptanan kag ginapanag-iyahan pa sang iya lolo.Napinsaran nanday Pearl kag sang iya bana nga si Rommel Sevilla Faburada nga magkabayo agud mangin lain naman sa masami nga salakyan nga ginagamit bilang bridal car.Dugang pa nga sa subong nga panahon, masyado kamahal sang gasolina kag krudo kun s...
