Balita Hiligaynon

Ginapaabot nga maga operate na liwat sini nga semana ang traffic lights sa Sum-ag.Suno sa pamuno sang Bacolod Traffic Management Department nga si Atty. Reuben Mikhail Sabig, nabayaran na sang nagligad nga semana ang kuntador sang natungdan nga traffic lights.Dugang pa niya, sang ginpatigayon ang road widening project, nadala ang traffic lights kag naguba ang pila ka mga wiring sini. Ini ang isa sa mga rason kun ngaa wala ini naka-operate.Dugang pa ni Sabig, wala na ini naga-operate antes siya ginbutang sa pwesto bilang hepe sang BTTMD.Pero ginapaabot nga sini nga semana magabalik na ang supply sang kuryente sang traffic lights.Suno pa sa iya, isa man sa mga rason kun ngaa wala ini naka-operate bangud gin-utod ang supply sang kuryente bangud ang bill nga dapat ihatag sa...

Maga-reinforce ang 300 ka mga kapulisan gikan sa Negros Island Region para sa seguridad sang Dinagyang Festival 2026 sa Iloilo sini nga weekend.Nalakipan ang augmentation personnel sang 63 ka mga pulis gikan Bacolod City Police Office, 69 halin sa Negros Occidental Police Provincial Office, 65 sa Regional Mobile Force Battalion, 100 ka mga bag-ong graduate nga personnel halin sa Field Training Program kag tatlo halin sa regional headquarters.Maga-duty ang deployed forces sumugod subong nga adlaw, Enero 22 tubtob Enero 26.Sang Martes, ginpatigayon ang send-off ceremony sa Camp Alfredo Montelibano Sr., Barangay Estefania sa Bacolod City.*

Padayon nga ginapangita sang kapulisan ang manugbaligya isda nga nagbuno sa isa ka mananagat sa Purok 7, Dala, Barangay Aguisan sa Himamaylan City.Dead on arrival sa Governor Valeriano Gatuslao Hospital ang biktima nga si alyas “Junjun”, 47-anyos.Ginsiling ni Police Lt. Col. Kym Lopez, hepe sang Himamaylan PNP, indi pag-intyendihanay ang motibo sa insidente.Nag-gwa sa imbestigasyon nga naga-inom-inom ang biktima upod sa iya abyan sa tiangge sang nag-abot ang suspek nga ginkilala kay alyas “Jojo”.Gin-liab ni alyas “Jojo” si alyas “Junjun” rason nga nagkuha siya sang botelya ka beer kag ginlampos sa suspek apang wala niya ini maigo.Ginlagas sang biktima ang suspek kag sang iya na ma-corner, ginbuno sang suspek ang biktima sang makapila ka beses sa iya nga dughan.S...

Nakaangkon sang igo sang bala sa hawak kag pa-a ang 39-anyos nga barker matapos gintiro sang iya man lang kasubong nga barker sa dalan Lizares, Barangay 40 sa Bacolod City, kaina sang kaagahon.Ang suspek nga ginkilala kay alyas “Roger”, ang nakapalagyo kag padayon nga ginapangita sang kapulisan.Gindala ang biktima nga si alyas “Rolando” sa ospital kag sa latest nga update sang PNP, siya ang igapaidalum sa surgery.Suno kay Police Captain Peter John Ramos, hepe sang Station 6, nag-ugat ang insidente sa agaway sang biktima kag suspek sa pasakaay sang mga pasahero sa jeep sa Libertad.May nagluntad nga komosyon kag gintiro sang suspek ang biktima, gamit ang wala pa mahibaluan nga kalibre sang armas.Gina-preparar karon sang Station 6 ang mga dokumento sa pagpasaka sang kaso n...

Masobra na sa 72,000 ang nag apply para sa voter registration sa Negros Island Region.Ini humalin sang October 20, 2025, sang pag sugod sang voter registration kag tubtob January 17, 2026.Ang Negros Occidental ang may yara sang 49,267 ka mga gin process nga application para sa voter registration,22,190 naman sa Negros Oriental kag 989 sa Siquijor.Suno kay Atty Lionel Marco Castillano ang regional director sang COMELEC NIR, nag amat amat na sa karon damo angnaga pa rehistro karon nga balik klase na.Gina patigayon man ang satellite registration sa mga eskwelahan nga gina updan sang voter education campaign.Sa karon gina patigayon ang Election Registation Board Hearing sa mga application humalin October tubtob December 20025.Suno kay Castillano kun wala man...

Pagtuhaw sang rice black bug sa Sibulan, Negros Oriental ang indi man maka alarma. Light trapping activity para matapna ini ang gin-schedule na.Magamay lamang ang area sa Brgy Maslog, Sibulan ang na apektuhan sang rice black bug ukon RBB, pero maayo naman lang nga gilayon ini na monitor.Ini suno kay Engr Jose Albert Barrogo, ang pamuno sang Department of Agriculture Negros Island Region nga nagpahayag nga nakapatuman na sang test sample sa napulo ka areas.Apat lang man ka areas nga may yara sang RBB.Magamay na ang tsansa nga mag lapta ini ukon mag lab-ot sa Negros Occidental dugang pa diri nga lain na ang direksyon sang hangin.Ang RBB peste nga masami naga atake sa rice crops nga sarang makatuga sang kahalitan kun indi matapna. Pwede ini magsaylo upod sa hangin suno...

Ginpaandaman sang Bacolod Environment and Natural Resources Office ukon BENRO angang publiko batuk sa mga naga pakuno-kuno nga mga garbage collectors kag naga pangayo sang kwarta. Ini matapos may mga report sang indi otorisado nga solicitation sa siudad.Suno kay BENRO Officer-in-Charge Atty. Allyn Luv Dignadice, wala sang may ginpahanugutan ang City Government sang Bacolod kag ang bag-o nga private garbage contractor nga bisan sin-o mannga mangolekta sang kwarta kabaylo sang garbage collection.Ang paandam naghalin sa reklamo nga gin-file batuk sa grupo nga nagatawag sang ila kaugalingon nga “Garbage Collector Association Bacolod City,” nga gin alegar nga naga pangayo sang donasyon para sa isa ka miyembro nga naospital.Ginpahayag ni Atty. Dignadice nga kinahanglan nga indi maghatag sa...

Kahapon naghuyang na ang bagyo nga Ada sa sulod sang Philippine Area of Responsibility kag nangin isa na lang ka low pressure area kag wala na sang direkta nga epekto sa Pilipinas kag indi naman mag develop pa sa isa ka bagyo.Pero, may isa ka low pressure area nga gina monitor nga PAGASA sa karon sa gwa sang Philippine Area of Responsibility. Sa subong manubo ang tsansa nga mag develop ini sa isa ka bagyo pero wala man gina dula ang posibilidad nga mahimo ini magsulod sa PAR.Gani dapat tutok kita sa updates sang PAGASA sa mangin lakat sang panahon.Ang northeast monsoon ukon ang hangin amihan nga amo ang naga dala sang matugnaw nga dapya sang hangin ilabi na kun gab-i kag kun kaagahon ang magapabatyag naman liwat sini nga semana.https://youtu.be/mVHpGZjOQ9Y?si=102S2osBpWnHK...

May mga 20,000 ka botante ang iga de-activate sang COMELEC sa Bacolod City.Suno kay Bacolod Election Officer Atty. Kathrina Trinio-Caña, ang ini nga mga botante sa Bacolod City ang i-deactivate sang COMELEC bangud sang kapaslawan nga makaboto sa duha ka sunod-sunod nga pinili-ay.Kabahin man sa iga-deactivate ang mga botante nga napamatud-an nga nagkalamatay na, base sa nagapadayon nga Election Registration Board hearing.https://youtu.be/V4Dq3UzmUEs?si=fkk9zQz4-fnVUggiGinpahayag niya nga sarang makapa-reactivate sang voter status ang mga apektado paagi sa nagapadayon nga registration.Magapadala man sang notice ang Comelec kag magapost sang listahan sang mga deactivated voters sa tagsa ka barangay.Padayon ang ERB hearing tubtob Enero 23 para sa 9,500 ka mga aplikant...

May makita na nga mga fence sa palibot sang fountain area sang Bacolod City Government Center nga nagatindog. Suno kay City Engineer Loben Ceballos, ang fencing ang preparasyon para sa pagpaatahum sang fountain area nga ginpundohan sang Tourism Infrastructure and Enterprise Zone Authority ukon TIEZA.Dugang pa ni Ceballos, ang bag-o nga disenyo sang BCGC grounds ginplano para mas maka-save sang space, ilabi na kun may mga programa nga hiwaton sa lugar.Kabahin sang proyekto ang pagbutang sang fountain kag kun gab-i, ini mangin dancing fountain para dugang nga atraksyon para sa publiko.P300 milyones ang pondo nga ginpain sang TIEZA para sa proyekto nga magalakip na sa pag patahum pa gid sang plaza sang Bacolod.*