Balita Hiligaynon

Ginpatigayon ang blessing kag turn-over sang bag-o nga mga Provinical Disaster Risk Reduction and Management Office nga facilities, vehicles kag equipment kaina.P20.4 million ang kabilugan nga balor sini.Suno kay Governor Eugenio Jose Lacson padayon ang pag invest sang probinsya para sa madasig nga pag responde kag sa pag pasiguro sang safety sang mga Negrense.May yara sang bag-o nga PDRRMO vehicle hub nga nagabalor sang 8.9 million pesos. Gin-rehabilitate man ang PDRRMO Training Center nga naga balor sang 8.3 million pesos.Lakip sa gin turn-over ang isa ka emergency transport service nga naga balor sang 1.5 million pesos kag logistics hub racking system with flooring nga naga balor sang 1.7 million pesos.Sa programa ginsiling man sang gobernador nga ang kahandaan sa disaster ind...

Kahapon, Marso 4, ginapangita sang iya ginikanan ang 13-anyos nga bata nga lalaki, taga Brgy. Binubuhan sa Bago City, bangud wala siya makapauli matapos mag-eskwela.Sini nga aga, Huwebes, Marso 5, nakit-an ang lawas sang Grade 7 nga estudyante nga nagahapa kag underwear lang ang panapton, sa suba sang National Irrigation Administration, sakop sang Hacienda Mercedes, Barangay Ma-ao sa Bago City.Ginsiling ni Police Lt. Col. James Latayon, hepe sang Bago PNP, na-late ang estudyante sa ila eskwelahan kahapon, gani wala na lamang siya nagsulod.Sa baylo, nagligo ang estudyante sa suba.May nakakita nga may mga bata nga upod sa pagpaligo ang estudyante, apang wala sang may naka-report nga nalumos ang biktima.Sa initial nga imbestigasyon, wala sang may nakita nga mga pilas sa lawas sang e...

Nagapatigayon sang intelligence monitoring para sa iga-serbe kuntani nga warrant of arrest ang mga operatiba sang City Intelligence Unit sang BCPO sa bahin sang Florence Ville Subdivision sa Barangay Pahanocoy, Bacolod City.Apang ila natalupangdan ang isa ka persona nga may bitbit nga dako nga karton, samtang nagapagwa sa madulom nga abandonado nga balay.Ginpalapitan sang mga operatiba ang tawo apang siya ang nagdalagan pasaka sa sementado nga hagdanan. Iya nabilin ang box nga may unod nga mga smuggled nga sigarilyo.Sa sulod sang abandonado nga balay, nakuha man ang pila pa ka dugang nga mga smuggled cigarettes, nagabalor P519,000.*

Mas nagtimbuok pa gid subong nga adlaw ang presyo sang produkto petrolyo sa world market samtang naga padayon ang gamo sa Middle East.Samtang naga lawig ang gamo sa Middle East naga lala nga naga lala ang presyo sang produkto petrolyo.Kun ibase sa presyo sa world market sa trading humalin March 2-4, 2026, ang saka sa presyo sang diesel ang yara sa P15.00/litro.P7.00 naman ang saka sa kada litro sang gasolina kag P28.00 sa kada litro sang kerosene.Indi pa ini ang actual nga isaka sa bili sang produkto petrolyo sa madason nga semana kay may duha pa ka adlaw nga trading nga gina hulat kag ang average sa sulod sang lima ka adlaw amo ang mangin basehan.Pero sa nagakatabo sa karon kada adlaw naga saka ang bili samtang naga padayon ang gamo.Una na nga ginsiling sang Department of Ener...

Ginhaylo ang mga OFW nga taga Bacolod nga yari pa sa siudad kag indi pa makabalik sa luwas, nga magpadulong sa help desk agud mahatagan man sang bulig.Ginsiling ni Mayor Greg Gasataya nga nakabaton man sila sang tawag nga may amo sini nga nga sahi sang concerns.Suno sa iya mas maayo nga mag-inquire sila agud nga makahatag man ang siudad sang solusyon kon ano ang sarang sini nga maubra para sa ila.Dugang man ni Atty. Mark Steven Mayo, City Administrator nga tanan nga mga concern nga nadangup sa amo nga talatapan ang pagahatagan sang siudad sang aksyon.Nagdangat sa kapin 50 ka mga concerns ang nabaton sang amo nga help desk. Siling ni Gasataya kadam-an sini ang ginpatuhoy na sang siudad sa natungdan nga ahensya sang gobyerno.Magapahibalo man ang siudad sang posible nga mga tikang k...

Maga-release ang Department of Social Welfare and Development sa masunod nga semana sang pinakaulihi nga hagna sang Emergency Cash Transfer para sa mga biktima sang bagyo Tino sa Bacolod City.Ginkumpirmar ni Mayor Greg Gasataya nga naka-schedule sa Marso 9 tubtob 12 ang payout para sa mga na “left out” nga benepisyaryo gikan sa una nga payout.Suno kay Gasataya, kapin 82 million pesos ang kabug-osan nga pondo nga ihatag sa 15,199 ka mga qualified beneficiaries sa siudad.Madamo pa ang mga slightly affected nga wala pa mahatagan sang ila assistance.Sandig sa record sang Department of Social Services and Development sang Bacolod City, 15,097 pa ka mga slightly affected nga indibidwal ang magabaton sang 5,369 pesos samtang 102 naman nga severely affected ang sarang nga makakuha sang 10,...

New People’s Army ginkondena sang pumuluyo sang isa ka barangay sa Escalante City.Nagsunog sang flag sang rebeldeng NPA ang mga pumuluyo sa covered court sang Barangay Pinapugasan Escalante City, Negros Occidental kaupod ang 79th Infantry Battalion sang Philippine Army.Ini sa ginpatigayon nga Security Dialogue kag Mass Condemnation Program. Nagtipon ang mga residente kag community leaders para ipanawagan ang kalinong kag pag-untat sang gamo nga ginadala sang mga rebelde sa ila nga lugar.Suportado sang barangay, lokal nga gobyerno kag sang PNP ang ini nga tikang.Ginpahibalo sa komunidad kun ano ka importante ang pag isa, pagka mabinantayon kag pakigbahin sang tanan para mangin malinong ang ila nga lugar.May dialogue man nga ginpatigayon kag ang mga pumuluyo ang nag k...

Nagahapa, may mga pilas sa pa-a kag ulo ang isa ka lalaki sang siya ang nasapwan sang mga naglabay nga drivers sa Bangga Adam, Barangay Pahanocoy sa Bacolod City, mga las 6:30 sang aga sini nga Huwebes, Marso 5, 2026.Sa karon, nagapabilin nga unidentified ang lalaki. Ginabulubanta 30 tubtob 40 anyos ang biktima, nakasuksok siya sang pantulog nga shorts. Wala sang may nakita nga identifying marks ukon tattoo sa iya nga lawas.Bangud wala sang may nakakilala sa iya sa lugar, ginsiling ni Police Captain Sherwin Galupar, hepe sang Station 8 nga magpakig-angot sila sa iban nga police stations nga may mga reported missing persons.Ginahulat karon sang kapulisan kung may himata nga mag-claim sa bangkay nga gindala sa ABE Funeral Homes.*

Indi magnubo sa 23 ka mga pamalay ang gin-tupok sang kalayo sa sunog nga nagluntad sa Purok Lampirong, Barangay 2, sa siudad sang Bacolod la una sini nga hapon.Nagdangat sa second alarm ini.Ang area ginakabig sang Bureau of Fire Protection nga isa ka red zone, ukon isa ka lugar nga high risk sa sunog.Ginsiling ni Fire Superintendent Jenny Mae Masip, City Fire Marshall nga wala pa mahibaluan kon ano ang gintunaan sang kalayo.Sa inisyal nga imbestigasyon sang Bureau of Fire Protection, nagsugod ang kalayo sa balay ni Rosalie Alburoto. Wala sang tawo sa amo nga balay sang natabo ang sunog.Ang mga nagkalasunog nga balay lunsay himo sa light materials, rason nga madasig nga naglapta ang kalayo.Dugang ni Masip, may kabudlayan man ang BFP sa pagsulod sa amo nga area bangud...

Nagahigda sa dalan ang apat ka mga persona matapos magbungguanay ang ila ginasakyan nga duha ka mga motor sa atubang sang South Bacolod General Hospital sa dalan Araneta, Barangay Pahanocoy sa Bacolod City, mga pasado la-una sang kaagahon sini nga Miyerkules, Marso 4, 2026.Naabtan sang mga rescuers ang apat ka mga lalaki, nga nagahigda sa dalan upod man ang ila natumba nga mga motorsiklo.Napatay ang driver sang Yamaha NMAX nga ginkilala kay alyas “Jay”, 31-anyos, residente sang Brgy. Sum-ag sa Bacolod.Samtang, pilason ang driver sang Kawasaki Barako nga si alyas “Acer”, residente sang Brgy. Tabunan sa Bago City kag ang iya duha ka mga angkas nga lalaki.Nag-gwa sa imbestigasyon nga padulong sur sang highway ang NMAX, samtang nag-counter flow ang Barako, rason sang pagbungguanay.Na...