Balita Hiligaynon

BCPO photoPilason ang barangay tanod nga naga guwardiya man sa Providence Subdivision sa Barangay Granada matapos siya bun-on sang lalaki nga gina alegar may diperensya sa pamensaron.Bread knife pa ang gin gamit sang lalaki nga nag buno sa tanod nga si Ereneo Laurilla.Sa imbestigasyon sang Police Station 5, matapos nga bun-on ang iya upod, ang isa ka tanod nga si Reylan Silvino amo ang nagbalos kag iya gintiro ang suspek nga nagbuno.Pareho nga gina bulong karon sa ospital si Laurilla kag ang suspek.Gin detain naman sa Polica Station 5 si Silvino.

Gin relieve sa iya nga pwesto ang pulis nga jailer sa Moises Padilla matapos siya nga mapalagyuhan sang isa ka inmate sadtong Oktubre 14.Ang inmate nga si Reco Layan nga gin detain sa kaso nga murder ang nagreklamo sadto nga naga hilanat kag naga palanakit ang dughan kag sang makak kita tiyempo, siya ang nag palagyo.Bangud sang insidente, gin butang na karon ang jailer sa Negros Occidental Police Provincial Office bilang base police ukon taga bantay sa gate sang NOCPPO.Suno kay Police Lieutenant Wilma Silva, Deputy PIO sang NOCPPO, may 2 tubton 3 pa ka pulis nga ginausisa angut sa natabo lakip na diri ang hepe sang police station.Padayon ang pagpangita sa nakapalgyo nga inmate nga si Layan kag gin himo na P35,000 ang reward sa kun sin-o man ang makakita ukon maka tudlo sa i...

Capitol file photoMay lima na naman ka mga sakada ukon migrant workers ang dugang nga nag positibo sa COVID-19.Suno kay Zeaphard Caelian ang commander sang Provincial Incident Management Team ang lima ang naka isolate sa karon.Humalin sang nag inabot ang mga sakada sa Negros Occidental 13 na ang nag positibo sa virus.Suno kay Caelian may pila naman sa mga nag positibo damlag pa ang nakahuman na sang ila nga 14-day quarantine.Sa tagsa ka pag abot sang mga sakada sa probinsya gikan Antique sila ang gina paidalom sa swab test kag gina quarantine. Ang mga negatibo sa virus ang sarang na mag trabaho sa mga kampo.

Biyahe sang mga fast craft ang maga balik na sa Sabado.Suno sa pamuno sang Philippine Coast Guard sa liwat nga pagbalik biyahe sang fast craft padulong Iloilo tig isa lang anay ka trip tagsa ka shipping line.Mahimo nga panilagan anay sang mga operator ang dalagan sang biyahe, suno kay Lt. Commander Jansen Benjamin.Sa Sabado ang Ocean Jet may biyahe 8:30 am padulong Iloilo kag 2:30 pm pabalik Bacolod.May biyahe man ang Weesam Express. 9:50 am ang Iloilo-Bacolod kag 3:50 pm naman ang Bacolod-Iloilo.Sa Domingo na maga biyahe balik ang Supercat.

Base sa memorandum order nga ginpagwa ni Supreme Court Chief Justice Diosdado Peralta, half-day lamang ang mga korte sa pungsod subong nga adlaw (Supreme Court, Court of Appeals, Sandiganbayan, Court of Tax Appeals, Presidential Electoral Tribunal kag tanan nga first kag second level courts).Pero madayon sa gihapon ang natalana nga training seminar sang Philippine Judicial Academy tuhoy sa 2019 Amendments to the 1997 Rules of Civil Procedure kag Revised Rules on Evidence.

Nagsulod na kagabi sa Philippine Area of Responsibility si Typhoon Rolly nga nagadala sang maximum sustained winds nga 120 km/h malapit sa sentro kag may pagmadlos nga tubtub sa 150 km/h.Base sa pinaka ulihi nga severe weather bulletin sang PAGASA, nagagiho si Rolly padulong sa southwest nga direksyon tubtub sa Sabado kag magagiho pa northwest.Ini ang ginapaabot nga maga landfall sa Central Luzon-Quezon area sa Domingo sang gab-i ukon sa Lunes sang aga kag ginapaabot nga magbaskug pa gid sa peak intensity nga 165-185 km/h.Si Rolly ang magadala sang maulanon nga panahon sa Bicol Region, Eastern Visayas, Central Visayas kag Caraga.Wala pa sa karon sang lugar nga ginpaidalum sa Tropical Cyclone Wind Signal.Samtang, nangin isa na ka Tropical Storm ang isa pa gid ka bagyo ng...

3ID photoNagbalik sa sabak sang gobyerno ang anum ka mga anay miyembro sang New People's army lakip na ang isa ka menor de edad nga naga busong.Ang nagabusong nga 17 anyos nga si alyas Ericka ang ginakabig isa ka NPA amazon. Siya ang nag sungka sa Community Support Program sang 94th Infantry Battalion sa Bindoy, Negros Oriental.Samtang sang Martes si alyas Mel nga Mel miyembro sang Komiteng Rehiyon-Negros/Cebu/Bohol/Siquijor (KR-NCBS) sang CPP-NPA ang nag sungka man sa mga army kag kapulisan sa banwa sang Isabela.Dala pa ni alyas Mel ang iya nga M16 rifle sa iya nga pag surrender sa otoridad.Sang tinalikdan nga semana may apat man ja miyembro sang NPA ang nag surrender sa otoridad.Sila amo sanday alyas Dem, alyas Mar, alyas Noky kag alyas Rodrigo.Liwat man ginpa...

Yara na sa 67 ang active cases sang COVID-19 sa Negros Oriental sa karon matapos mag dugang ang anum ka bag-o nga kaso kahapon (October 28).Kabahin bag-o nga kaso sang COVID-19 sa probinsya ang isa ka army nga katapo sang 302nd Infantry Brigade kag isa ka pulis nga assigned naman sa Ayungon PNP.Suno kay Dr Liland Estacion, ground commander sang provincial IATF, ang 35 anyos nga suldado ang gikan Antique kag nag tiner lang sa isolation facility asta nag abot ang iya resulta. Siya ang padayon nga naka quarantine.Ang 31 anyos nga pulis naman suno sa kay Estacion ang isa ka frontliner apang wala pa mahibaluan kun sa diin niya nakuha ang virus bangud sa madamo man siya sang ginkadtuan lakip na sa Guihulngan, Bacong kag Dumaguete.Ang apat pa nga bag-o nga kaso ang local transmis...

BCPO photoPatay na sang maabtan sang iya pamilya ang 53 antos nga si Gaudioso Empase, sakay sa iya tricycle sa dalan sa Purok Fatima sa Barangay Sum-ag.Sa imbestigasyon sang PNP, papauli na kun tani si Empase upod ang iya paka isa sang hinali na lang siya nga gintiro sang riding in tandem nga wala pa makilal-an.May igu sang bala sa ulo kag abaga si Empase.Suno kay Police Lieutenant Colonel Ariel Pico, spokesperson sang BCPO, indi man ma locate tubtob karon ang paka-isa sang biktima nga iya kaupod sa pag biyahe.Indi pa matumod sang PNP kun ano ang motibo sa pag patay kay Empase kag ila lang karun ginatutukan ang anggulo nga personal nga dumot.

As of October 28, wala na sang active COVID case ang banwa sang Don Salvador Benedicto.Ang pinaka ulihi nga kaso nga na-record sang banwa ang nag negatibo na sa virus sandig sa iya nga swab test result.Suno kay Mayor Marxlen Dela Cruz, sa karon may yara na lamang sang tatlo ka persona nga gina-monitor ukon gina kabig nga PUM sa DSB.Sila ang yara sa quarantine facility sang banwa.“The most number namon was three. One at a time. Anyway we cannot be complacent about it. Bantay gyapon. Steady kami gyapon sa pagbantay,” suno kay Dela Cruz.Sumugod Oktubre 16, nangin bukas na ang borders sang Salvador Benedicto.Suno sa alkalde makita ang liwat nga pagbalik sang mga bisita sa banwa ilabi na sa mga kapehan. Wala labot nga gina sayo naman gid nga daan ang DSB nadugangan pa gi...