Balita Hiligaynon

Nagapanawagan sa karon ang Bacolod City Police Office sa tagsa ka mga Barangay sa Bacolod nga smag patigayon sang rekorida para mapahibalo ang mga pumuluyo kun sa diin lang sarang mag gamit sang palupok.Suno kay BCPO Spokesperson Police Lieutenant Colonel Ariel Pico, indi lang ang pulis ang sarang magdakop sa mga mapalupok sa indi designated area ukon sa gwa sang ila mga puluy-an kundi mismo ang mga opisyales sang barangay gani mas maayo nga mapahibalo sang maayo ang mga pumuluyo angut sa designated fire cracker zone nga mismo ang barangay man ang nag pili.Kun indi gid man totally ma implement suno kay Pico, mas maayo nga mapahibalo na ang mga pumuluyo subong nga adlaw para mapahagan hagan ang mga mapalupok sa ila ugsaran.Ang kapulisan ang malibot man suno kay Pico kag mag pana...

Nadugangan naman sang walo ka bag-o nga kaso sang COVID-19 ang Negros Oriental kahapon.136 na tanan ang active cases sang COVID-19 sa probinsya matapos man maka record sang 32 ka bag-o nga recoveries.Kabahin sa mga bag-o nga kaso sang COVID-19 sa Negros Oriental ang isa ka doktor, isa ka pari kag isa ka empleyado sang gobyerno sa Dumaguete City.Anum tanan ang bag-o nga kaso sang COVID-19 sa Dumaguete nga may isa man ka na record nga napatay.May tAg isa naman sa Bayawan kag Valencia.Naglab-ot na sa 908 ang total COVID-19 cases sa Negros Oriental.

BCPO photoNasapwan nga patay alas 8:30 kaina sang aga ang 81 anyos nga si Amparo Leyte sa kakugnan sa ginapatindog nga township sa Barangay 41 sa Bacolod.Ang iya tupad balay amo ang nakakita sa biktima nga suno sa ila, sang Disyembre 24 pa nga nadula.Wala na sang pang idalom nga panapton kag nagakaagnas na ang tigulang sang makita.Pero suno kay Police Senior Master Sargeant Raynond Bandojo, posible nga nagapangihi lang si Leyte amo kun ngaa wala siya pang idalom nga panapton kag mahimo gin stroke amu kun ngaa natumba kag nag higda sa kakugnan.Wala man gina tan-aw sang pulis nga may foul play sa pagkamatay ni Leyte bangud sa masanag man ang lugar kun gab-i kag madamo man sang guwardiya sa palibot.Posible ugto natabo ang pagka stroke ni Leyte, nga suno sa PNP may ara ...

Photo courtesy of Dr. Enrico ElumbaMay gina pangatubang man nga pagpanghangkat tuga sang COVID-19 pandemic, wala ini nakapugong sa isa ka duktor nga mag patigayon sang mouth to mouth resuscitation sa isa ka bag-ong bun-ag nga lapsag.Sa post ni Dr. Enrico Elumba, iya ginsiling nga may mga ginapatuman man nga protocol bangud sang COVID-19 kag may technical difficulties man ang ila nga ospital sa banwa sang La Castellana bangud isa ini ka primary hospital, ila sa gihapon naluwas ang bata nga naga palang git-om na pag gwa sa tagu angkan sang iloy.Suno kay Elumba, ang 22 anyos nga iloy nga taga Brgy. Lalagsan ang una nga nagbisita sa manughilot kay nagdumdom nga ini ang ginpanuhot sang Domingo sang aga.Sang hapon na gindala sa ospital kag nahibaluan nga manugbata na ang amo na i...

Kagabi sa announcement ni Presidente Rodrigo Duterte ginsiling nga ang Metro Manila, Isabela, Santiago City, Batangas, Iloilo, Tacloban, Lanao Del Sur, Iligan, Davao City kag Davao del Norte na lang mga lugar nga napaidalom sa general community quarantine.Ang iban nga mga parte sang Pilipinas nalakip na ang Bacolod City kag Negros Occidental ang napaidalom sa gihapon sa modified general community quarantine.Si Bacolod City Mayor Evelio Leonardia nag siling nga iya na ini nga gina paabot ilabi na nga naga single digit na ang number of COVID-19 cases sa Bacolod sa kada adlaw sang nagligad nga semana kag nag zero sang Domingo.Sa karon may 74 ka active COVID-19 cases ang Bacolod.Samtang si Negros Occidental Governor Eugenio Jose Lacson naman nag siling nga bisan pa napaidalom s...

Israel Salanga photoWala sang moratorium sa pagbaton sang mga overseas Filipino workers sini nga New Year.Damlag pa, naghinyo sang moratorium si Bacolod Councilor Israel Salanga sa Regional IATF para sa pagbaton sang mga OFW sa Disyembre 24, 25, 31 kag Enero uno.Pero gintugyan ini sang RIATF sa NIATF.Tubtub subong wala sang moratorium nga may ginpagwa ang NIATF gani sang adlaw sang paskwa padayon nga may nag inabot nga mga OFW sa Bacolod-Silay Airport nga ginsugat sang Action Team on Returning OFW nga ginapamunuan ni Salanga.Sandig sa pagsulundan sa mga nagapinauli nga OFW, sila ang ginasugat sang siudad sa airport kag ginadala sa Bacolod.Sarang na sila makapauli sa ila tagsa ka mga pamilya pero ang ila ngalan ang gina endorse sa Barangay Health Emergency Response T...

Isa ka apat ka tuig nga bata nga naigo sang boga sa mata ang pinaka una nga firecracker-related injury ang gin report sa siudad sang Bago.Suno kay Dr. Ferdinand Ramon Mayoga, ang city health officer sang Bago, ang insidente natabo domingo sang hapon sa Barangay Bacong.Sa report nga ila nabaton gikan sa Bago City PNP, mahimo nga nakuha sang mag utod ang boga nga gina gamit sang ila nga amay sa pagpanabog sang pispis sa ila nga talamnan.Posible gin sindihan nila rason nga naigo ang bata sang natuo nga mata. Na discharge naman ang bata gikan sa bululngan.Matungod nga boga ang gin gamit na classify ang insidente bilang firecracker related injury.Para naman kay Bago City Mayor Nicholas Yulo dapat nangin responsable ang amay sa pag tago sang amo nga device.Padayon naman a...

Nagdaug sang anum ka mga awards sa bag-o gid lamang natapos nga Metro Manila Film Festival ang pelikula nga Magikland nga bugal sang mga Negrense.Ginkilala ang isa sa mga producer sang Magikland nga si direk Peque Gallaga bilang Special Jury Prize.Nagbaton man sang FPJ Memorial Award ang pelikula.Nagkadto man sa Magikland ang Best Production Design kag Best Musical Score.Sa ila man nagkadto ang award nga best Virtual Float kag Best Visual Effects kun sa diin gina pabugal sang mga producer ang dekalidad nga visual effects sang pelikula nga himo sang mga Pinoy.Two years in the making ang pelikula kag nadugayan ini sa visual effects nga gin utihan.Masobra sa shin milyones pesos ang gingasto sa bug-os nga pelikula.

Manapla PNP photoPatay na sang mag abot sa ospital Dominggo sang gab-i si Arnaldo Bionat, matapos maglapaw sa kilid sang dalan sa Access Road sa banwa sang Manapla ang iya motor kag matumba.Ang biktima ang principal sang Manapla National High School.Suno kay Police Captain Jaynick Bermudez, hepe sang Manapla PNP, mahimo na miscalculate sang principal sa iya nga pagliko sa kurbada nga bahin sang dalan gani siya ang naglapaw kag natumba sa kilid sang karsada.Suno sa PNP, nabunggo ang ulo ni Bionat sa dalan nga nag agum sang samad kag ini amo nag resulta sa iya kamatayon.

Candoni PNP photoPatay ang 60 anyos nga si Francisco Dodria matapos Mabun-an kagab-i sang iya man lang abyan sa Barangay Banga sa banwa sang Candoni.Suno sa hepe sang Candoni PNP nga si Police Captain Junji Liba, upod lang man nga naga inom sanday Dodria kag ang suspek nga si Samson Baladhay upod sang isa pa nila ka abyan.Bangud sang kahulugbon suno sa pulis, nagbaisay sanday Dodria kag Baladhay nga nag resulta sang pag buno ni Baladhay sa kay Dodria sang makapila ka beses.Dead on arrival sa ospital ang biktima.Gilayon naman nag surrender ang suspek kag siya ang detained na karon sa Candoni PNP.