Balita Hiligaynon

Negros Occidental Police Provincial Office ang nagpahayag nga indi matuod ang balita nga may yara sang presensya sang mga katapo sang Moro National Liberation Front sa banwa sang Don Salvador Benedicto.Suno sa public information officer sang NOCPPO nga si Police Lieutenant Abegael Donasco, ila ginkumpirmar sa hepe sang DSB Police Station kun ano ka matuod ang alegasyon nga may nasiplatan nga mga katapo sang MNLF sa banwa sang nagligad nga Nobyembre.Ginpahayag ni Donasco nga wala ini sang kompirmasyon gikan sa ila nga Intelligence Branch kag mahimo sala lang nga impormasyon ang nakalab-ot sa mga pumuluyo sang banwa.Nagapasalig ang PNP nga hugot ang ila pagbantay sa bug-os nga probinsya para masiguro nga indi masudlan sang mga armado nga grupo gikan sa iban nga lugar kag mapabili...

BCPO photoArestado ang 28 anyos nga si Ralph Robert Lizares matapos madakpan nga nag panulod sang balay sa Santorini Subdivision sa Eroreco, sa Barangay Mandalagan sa Bacolod.Suno sa hepe sang Police Station 3 nga si Police Captain Richard Fajarito, ang suspek nagsiling nga iya lang nakita nga bukas ang balay kag iya lang ini ginsulod.Nakita siya sang tag-iya kag gilayon man gin report sa gwardiya. Naabtan sang gwardia ang amo nga persona.Posible suno kay Fajarito nga may tuyo gid man nga magpangawat si Lizares ugaling wala ini madayun bangud sa naabtan siya sang gwardiya.May nakuha pa nga isa ka 38 calibre nga armas kag kutsilyo sa suspek.Siya ang sa karon detained na sa Police Station 3.

Photo courtesy of ARBPatay ang isa ka tricycle driver nga ginkilala kay Noel Peraren matapos tiruhon sa ng riding in tandem sini gid lang nga aga sa Barangay Pahanocoy sa Bacolod.Suno kay Police Lieutenant Colonel Ariel Pico, naga drive lang sakay sa iya tricycle ang biktima kag nakasulod na sa bangga CEGASCO sang hinalo siya tiruhon sang makapila ka beses sang naga sunod sa iya nga mga suspek sakay sa motorsiklo.Gilayon man nagpalagyo ang mga suspetsado. Dead on the spot ang tricycle driver.Padayon pa subong ang imbestigasyon sang PNP.

Sagay PNP photoPatay na sang masapwan sang mga residente ang 74 anyos nga si Ludovico Duay sa kilid sang baybay sa Barangay Old Sagay sa Sagay City kahapon sang aga.Sandig sa imbestigasyon sang Sagay PNP, ulihu nga nakita si Duay sang Sabado nga nagatabok sa Himoga-an River sakay sang balsa para kun tani mag tambong sa misa.Pero bangud sang mabaskog nga current sang tubig, suno sa pulis naanod kag nahulog sa iya balsa ang biktima nga mahimo gintunaan sang iya pag kalumos.Sa kilid na sang baybay sa Barangay Old Sagay nasapwan ang iya bangkay pagkaligad sang duha ka adlaw.

Nagpadulong kahapon sa Talisay City PNP ang Negros Occidental Police Provincial Office Internal Affairs Service agud usisaon ang reklamo batuk sa isa ka pulis nga gin reklamo sang indiscriminate firing sadtong Disyembre 31.Ginreklamo sang iya kaingud si Police Executive Master Sargeant Renzie Lambayong nga katapo sang Silay PNP matapos siya gina alegar mag palupok sang iya armas bangud sang ila nga inaaway sang iya kaingud sa Barangay Zone 12-A sa siyudad sang Talisay.Suno kay Police Major Jigger Gimeno, gin istorya sang IAS ang pulis pati na ang pamilya sang tagreklamo angut sa kaso.Suno kay Gimeno, wala sila sang may nakita nga ebidensya nga nagpalupok sang armas si Lambayong. Ginpanginwala man ni Lambayong ang akusasyon sang tagreklamo.Gin dugang pa ni Gimeno nga may gin...

BCPO photoNadakop na ang duha ka mga suspek sa pag kawat sang motorsiklo sa isa ka PDEA agent sang Enero 3.Naga parking lang sa gwa sang PDEA office sa Buri Road sa Barangay Mandalagan ang motorsiklo sang PDEA agent nga si Jessie Boy Orbino sang ini ang ginkuha sang mga suspetsado.Nadakop sa hot pursuit operation sang PNP sanday John Carlo Conde kag Angel Caponong.Na recover man sa ila ang motorsiklo sang PDEA agent.Detained na ang mga suspek kag kaso nga carnapping ang ipasaka batuk sa ila.

Antes las otso sang aga nag-abot na sa talatapan sang Bacolod City Water District ang mga 60 ka empleyado para kuntani mag report para sa ila nga trabaho.Disyembre 29 ginpapanaog ang office order nga nagapahibalo sa ila nga sila ang gindeclare redundant gani sila ang maga turn over na sang ila nga accountabiity kag makasulod na lamang sila sa baciwa premises kun sila ang mag process sangi la nga clearance.Suno kay Leny Espina, ang presidente sang Baciwa Employees Union ila ginkakibot ang decision kag nagpadulong sila sa BACIWA para mag-report sa ila trabaho.Indi sila pwede basta lang nga makakas suno sa iya bangud sa idalom sila sang Civil Service Commission.Ang 60 ka empleyado suno kay Espina ang mga empleyado sang Baciwa nga wala nag avail sa gintanyag sang PrimeWater san...

Tuman ka dako sang pagnubo sang mga firecracker-related injuries sa Bacolod City kag Negros Occidental sini nga New Year celebration.Base sa record sang Corazon Locsin Montelibano Memorial Regional Hospital, humalin sang bulan sang Disyembre may lima lang ka mga pasyente nga gindala sa ila ospital matapos masamaran sang palupok.Apat sa mga pasyente ang lalaki kag isa ang babaye kag sila ang nagapang-edaron 10 anyos tubtub 32 anyos.Tatlo sa ila ang taga Bacolod City, isa ang taga Victorias City kag isa ang taga banwa sang Cauayan.Isa sa ila ang admitted sa ospital pero yara man sa stable nga kondisyon.Sang nagligad nga New Year celebration, 26 tanan ang mga kaso sang firecracker-related injuries sang CLMMRH kag 11 diri ang mga menor de edad.Madugay na nga ginakampany...