Balita Hiligaynon

Karon nga nakapirma na sang multi-lateral agreement ang siudad sang Bacolod sa AstraZeneca Pharmaceutical Philippines para sa pagbakal sang bakuna sa COVID-19, tuyo sang lokal nga pangulohan nga magbakal man sang bakuna gikan sa iban nga mga pharmaceutical companies.Ini bangud limitado lang nga supply sang bakuna ang mahatag sang kada drug company sa mga local government units.Gani sang Biernes ginhatagan na sang sangguniang panlungsod sang authority si Bacolod Mayor Evelio Leonardia para makasugod na sang negosasyon sa pagbakal sang dugang nga bakuna sa iban pa nga mga supplier.Nagaporma naman karon sang grupo sang mga doktor ang Bacolod Emergency Operations center para magpatigayon sang information-education campaign sa mga barangay para mahaylo ang pumuluyo nga magpabakuna k...

Tatlo na lamang karon ka banwa ang naga pabilin nga may yara sang zero active COVID-19 cases sa Negros Occidental.Ini amo ang banwa sang Don Salvador Benedicto, Hinoba-an kag San Enrique base sa January 10 nga report sang Provincial Incident Management Team.Gikan sa 104, 110 sa karon ang active COVID-19 cases sang probinsya.Pinaka madamo nga may active COVID-19 case amo ang San Carlos City - 29, Silay - 13 kag Cadiz - 10.Suno kay Governor Eugenio Jose :acson mahimo nga ini ang tuga na sang liwat nga pag abot sang mga stranded individual ukon sa mga pagtililipon sang holidays.May nag report na gani suno sa iya sa iban nga lugar nga nagsaka ang kaso sang COVID-19.

Talisay PNP photoNasapwan nga nagalutaw kag patay na sa Minulu-an River sa Barangay Zone 11 sa Talisay City kaina sang hapon ang trisikad driver nga si Ulyses Escamilla.Sang Biyernes ulihi nga nakita ang biktima.Suno sa imbestigador, taga hawak na ang baha sang Biyernes sang gab-i pero padayun pa nga naga inom sa tiange si Escamilla.Ginapapuli na siya suno sa pulis sang tag-iya sang tiange pero wala ini namati kag nag sige pa inum.Wala na nakita pagka dasun nga adlaw si Escamilla suno sa pulis kag nasapwan na lang kaina nga naga lutaw na sa suba ang iya nga bangkay.

Patay ang incumbent councilor sang banwa sang Sta. Catalina sa Negros Oriental matapos tiruhon sang wala pa makilal-an nga mga suspetsado kaina sang aga sa Purok 3, Barangay Poblacion.Ang biktima amo si Councilor Rude Anthony Melodia nga anak sang anay alkalde sang banwa nga si Ruben Melodia.Sandig sa imbestigasyon sang Sta Catalina PNP, naga tinlo lang si Melodia sang iya salakyan sang hinali mag abot ang tatlo ka persona sakay sa duha ka motorsiklo kag gintiro ang biktima.Apat ka empty shells sang calibre 45 nga armas ang nakuha sa crime scene.Gindala pa sa ospital ang konsehal pero siya ang napatay.Ginahibalo pa karon sang PNP kun ano ang motibo sa pagpatay sa kay Melodia kag kun sino ang mga suspek.

Photo courtesy of Ernie BermelGin kumpirma ni Silay City Mayor Mark Golez nga may isa na ka napatay ang siudad bangud sang sige sige nga pag inulan sa siudad kagab-i nga nag resulta sa pagbaha.Ang biktima ginkilala nga si Marvito Lumanoc nga nasapwan na lang nga patay sa sulod sang iya balay.Suno sa alkalde ang biktima nga taga Barangay Guimbalaon ang napilpilan sang dingding sang iya nga balay nga naguba tuga sang baha.Himo sa light materials ang balay sang napatay suno kay Golez kag wala na sang iban pa nga nasamaran bangud naga isahanon lang siya nga naga puyo sa balay.

File photoIsa ka grupo sang mga health care workers sa Bacolod ang nagpositibo sa COVID-19 matapos nga magkadto sa isa ka isla sa probinsya.Ginpahayag sang deputy for medical sang Bacolod Emergency Operations Center nga si Dr. Chris Sorongon nga lunsay nga nagpositibo sa virus ang ini nga mga health care workers sa ila nga pagbalik sa siudad.Gani ginapaandaman ni sorongon ang mga health care workers kag pati na ang tanan nga mga frontliners nga maghalong bangud bisan manubo na ang kaso sang COVID-19 sa Bacolod yara sa gihapon ang risgo nga maangkon ang virus.Gindugang pa ni Sorongon nga nagdamo man karon ang mga pasyente nga nagapakonsulta sa Bacolod Respiratory Outpatient Center nga nagabatyag sang mga sintomas sang COVID-19.Nagapanawagan siya sa publiko nga indi magku...

Ang Bacolod Negros Occidental Economic Highway ukon BANOCEH ang gina paabot nga mahuman sa madason nga tuig.Ini ang dalan nga maga angut sang Barangay Pahanocoy sa Bacolod, Bacolod-Silay Airport road kag maka konekta sa EB Magalona kag Victorias City.Suno sa kay Department of Public Works and Highways 1st Engineering District Office District Engineer Jaime Javellana padayon pa ang construction sang sini nga dalan.May mga parte nga inug connect na lang kag ginalauman nila nga sa 2022 na ini mahuman.Suno sa iya sa ti-un nga mahuman na ang ini nga dalan dako ang mangin epekto sini sa lakat sang trapiko sa Bacolod, Talisay, Silay, EB Magalona kag Victorias bangud mangin alternatibo ini nga alagyan. sa mga ma gikan sa sur padulong sa airport mahimo na sila maka likaw sa traffic ...

Naglab-ot sa 656 ang illegal drug operation sang kapulisan sa Negros Occidental Police Provincial Office sang tuig 2020.Mas manubo ini ikumparar sa 719 nga illegal drug operation sang tuig 2019 pero sa gihapon naka kuha sang madako nga balor sang iligal nga droga ang kapulisan sa mga operations sang nag ligad nga tuig.Naglab-ot sa P27,400,701 ang na recover sang NOCPPO sa 656 ka drug operation sang 2020.Manubo lang sang masobra 1 ka milyon ikumparar sa P28,850,048 nga recoveries gikan sa 719 drug operation sang 2019.Suno sa PIO sang NOCPPO nga si Police Lieutenant Abegael Donasco, nag nubo ang drug operations sang kapulisan sang nagligad tuig bangud sa nag tutok ang NOCPPO sa away kontra COVID-19.May 1,764 ka mga persona nga napasakaan sang kaso may angut sa iligal nga ...

Bago PNP photoNag agum sang minor injuries ang driver sang truck kag multicab matapos sila mabungguan sang isa ka pick up kaina sang hapon sa highway sa Barangay Taloc sa siudad sang Bago.Suno sa hepe sang Bago PNP nga si Police Major John Joel Batusbatusan, nag lapaw sa iya nga lane ang pick up kag bangud yara na sa kurbada nga bawhin sang dalan, iya nabungguan ang multicab nga nagadalagan sa pihak kag sunod niya nga nabungguan ang isa pa gid ka truck.Posible suno sa pulis nga wala nadiparahan sang driver nga naglapaw na sya sa pihak nga linya bangud sang makusog nga ulan.Nag agum man sang minor injuries ang driver nga subong detained na sa Bago PNP.