Balita Hiligaynon

Nadugangan sang walo ka kaso sang COVID-19 ang Negros Oriental kahapon. Apat sa bag-o nga kaso ang yara sa Bacong kabahin na ang isa ka teacher, duha sa Tanjay City, kag isa naman sa Guihulngan kag Santa Catalina.May duha man ka dugang nga napatay bangud sang COVID-19 nga pareho yara sa Dumaguete City.nag record man sang 16 new recoveries ang probinsya. 1214 na ang total cases sang covid-19 sa Negros Oriental kag 219 ang active cases.Samtang, bangud sang mataas nga kaso sang COVID-19 sa siudad sang Dumaguete, sila ang karon nag patigayon sang house to house medical mission kag active case finding.Sang Sabado sila ang nag padulong sa mga panimalay kag nag check up sa mga residente kasubong nag hatag sang bitamina kag mga face mask.Ini ang isa sang mga tikang sang siudad ...

TF Disiplina photoPamuno sang Task Force Disiplina ang nagapanawagan sa konseho sang Bacolod sa pagbutang sang multa sa mga establisimiento komersyal nga wala naga require sang ila mga customers nga magsuksuk sang face shield.Ginpahayag sang pamuno sang task force nga si Wilfredo Geolingo nga sa ila paglibot sa mga merkado kag downtown area sang Bacolod kahapon, madamo sa gihapon ang wala nagasuksuk sang face shield.May iban man nga indi husto ang pagsuksuk sang face shield bangud ila lamang ini ginabutang sa ibabaw sang ila ulo.Isa-isa nga ginsulod sang task force ang mga baligyaan nga may mga customer nga wala nagasuksuk sang face shield kag ginpahanumdum nga estrikto nga ipatuman ang ordinansa sa pagsuksuk sang face shield magluwas sang face mask sa mga pampubliko nga lu...

May oil price hike subong nga adlaw sa presyos sang produkto petrolyo. Ini ang ika anum na nga semana nga padayon ang pagsaka sa presyo sang krudo kag sang gasolina.P1.05 ang gin mahal subong nga adlaw sang diesel kag P1 naman sa gasolina.Pero kun sumahon sa anum ka sunod nga semana nga oil price hike, yara na sa P5 ang ginmahal sang krudo kag P3.70 naman ang sa gasolina.Ang pagmahal sang presyo sa world market kag pagsaka sang demand sa gatong ang ginatan-aw nga kabangdanan sang padayon nga oil price hike sa produkto petrolyo.

San Carlos PNP photoPilason apang luwas na sa katalagman ang 27 nga si Angelou Olavia bisan pa lima ka beses siya nga gin buno, Dominggo sang aga sang wala pa makilala nga persona sa siudad sang San Carlos.Sa imbestigasyon sang PNP, nakita sang biktima ang pagsulod sang isa ka lalaki sa compound sang iya gina istaran nga boarding house gani iya ini ginpamangkot kun ano ang tuyo sang lalaki.Gulpi na lang siya suno sa pulis nga gin buno buno sang lalaki gamit ang patalom.Gindala man gilayon sa ospital ang biktima kag ginbulong.Ginahibalo pa sang PNP kun ano ang motibo sang suspetsado. Isa sa posible gina tan-aw sang kapulisan amo nga posible mangawat kun tani ang suspek sa compound sang maabtan siya sang biktima.

OCD-6 photoTutukan sang probinsya ang illegal quarry.Ini suno kay Board Member Andrew Montelibano ang chairperson sang Committee on Environment sang Sangguniang Panlalawigan sang Negros Cccidental.Suno kay Montelibano unahon ni panigta ang mga iligal nga quarry. Suno sa iya may mga nabaton sila nga report tuhoy diri.Sang nagligad nga semana isa ka pagsinapol ang ginpatigayon sang komitiba para mapat od ang gintunaan sang pagbaha sa third district.Suno kay Vice Governor Jeffrey Ferrer kun mapamatud-an nga ang pag quarry amo ang nag tuga sang pagbaha ginalantaw nila ang moratorium para diri.Suno kay Montelibano sa impormasyon sang PEMO may isa ka libo nga pending nga application para sa pagkuha sang permit.Sini lamang nakabaton sila sang report nga pagkaguba sang ...

Nagtaliwan bangud sang COVID-19 ang 65 anyos nga chairman sang Barangay Piapi sa siudad sang Dumaguete City nga si Charlie Bantilan.Ini ang gin kumpirma ni Negros Oriental IATF ground commander, Dr. Liland Estacion.Suno kay Estacion, si Bantilan ang nag positibo sa COVID-19 kag siya ang may yara pa sang iban nga sakit antes ini nag positibo sa balatian.Samtang nagsaka sa 229 ang active cases sang COVID-19 sa Negros Oriental matapos madugangan sang 20 naman ka kaso kahapon.May 95 nga active cases and Dumaguet City nga amo sa gihapon ang pinakadamo nga active cases sa probinsya kag naga pangduha naman ang Sibulan nga may 32 ka active cases kag Tanjay City nga may 27.1,206 ang total COVID-19 cases sa Negros Oriental sa karon.

DA-6 photoGobernador ang nag papanaog sang memorandum nga naga ban sang pagsulod sang buhi nga baboy, boar semen, pork kag pork meat products gikan sa Region 8.Ini kasunod sang gin report nga una nga kaso sang African swine fever sa Visayas matapos nga ma kumpirma ang kaso sang ASF sa Abuyog, Leyte.Ang pag ban ang ginpatuman bangud sang threat sang amo nga insidente sa probinsya ilabi na nga ang Negros Occidental isa sa ginakabig nga major producer kag nagapadala ini saang supply sa Luzon, Central kag Eastern Visayas suno kay Lacson.Nalakip sa Region 8 ang mga probinsya sang Leyte, Southern Leyte, Biliran, Samar, Eastern Samar, kag Northern Samar.Gina manduan man ang mga alkalde kag ang ASF Task Force nga mapasiguro ang pagpatuman sang ban para mapangapinan kag malikawan an...

Police Station 3 photoPatay ang pedestrian nga si Dindo Layan matapos mabungguan sang isa ka depasahero nga jeep sang Biyernes sang gab-i sa highway sa Barangay Bata sa Bacolod.Suno kay Police Staff Sargeant Bryan Cordero, traffic investigator, nagtabok sa dalan si Layan ugaling na alang alang siya bangud sang naga hagunos nga salakyan nga naga pang busina gani siya ang nag isol kabangdanan nga na igu siya sang jeep. Dead on the spot ang biktima.Samtang sang Sabado sang gab-i, pilason naman ang driver sang tricycle kag pasahero nga menor de edad matapos mabungguan sang motorsiklo sa Highway bahin sang Barangay Cabug.Sa imbestigasyon sang PNP, nag U-turn ang tricycle nga gina dala ni Elmer Delgado matapos mahulog ang kalo sang iya pasahero, pero samtang naga u-turn, siya ang...