Duha ka plastic cellophane kag apat ka sachet sang suspected shabu ang nakuha sa operation sang PDEA subong nga gab-i sa Barangay Banilad sa Dumaguete.Arestado ang subject sang buybust nga si Ronald Japon, 37 anyos.Nagabug-at sang tunga sang kilo ang nabawi nga droga.
Ginapahibalo sang Securities and Exchange Commission ang mga kumbuyahan nga sa idalum sang Revised Corporation Code mangin perpetual ukon wala na sang katapusan ang term sang isa ka korporasyon.Sa mga kumbuyahan nga na incorporate sa idalum sang Batas Pambansa No. 68 kag Act No. 1459 kag padayon nga naga operate, automatic na nga mangin perpetual ang corporate term sini.Sa mga kumbuyahan naman nga luyag mag amend sang Article 4 sang ila sini Articles of Incorporation para mag reflect ang ila perpetual corporate term ukon sa mga luyag magsunod kun ano ang nakabutang nga corporate term sa idalum sang ila Articles of Incorporation, magkadto lang sa website sang SEC ukon magbisita sa ila Bacolod Extension Office para maghibalo sang mga requirements.Sa maabot nga February 23, 2021 n...
Bacolod Emergency Operations Center ang nagapanugyan sa mga ginikanan nga likawan sa gihapon ang pagdala sang ila mga kabataan sa mga pampubliko nga lugar.Ini matapos sang pahanugot sang National Inter Agency Task Force against COVID-19 nga pwde na makagwa sa balay ang mga naga edad dies tubtub katorse anyos sa mga lugar nga yara sa idalum sang Modified General Community Quarantine sumugod sa madason nga bulan.Suno kay Dr. Chris Sorongon, Deputy for Medical sang Bacolod EOC, dako ang risgo nga malatnan sang virus ang mga kabataan bangud mabudlay para sa ila ang pagsunod sang minimum health protocols kasubong sang pagsuksuk sang face mask kag face shield.Gani mas maayo nga sa sulod sang panimalay nalang gid anay ang mga kabataan samtang may yara pa sa gihapon sang mga kaso sang ...
Beach resort sa Barangay Pahanocoy sa Bacolod City nga naghiwat sang foam party ang ginpasirad-an matapos matukiban nga wala pa sang business kag sanitary permit.Ginbisitahan sang City Legal Office kag Business Permits and Licensing Office ang amo nga resort kag natukiban nga nagsugod na ini sa pag operate nga wala pa sang may ginakaptan nga nagkaigo nga permit.Base sa imbestigasyon sang Bacolod Emergency Operations Center, wala nakahibalo ang barangay nga may ginhiwat nga foam party ang mga pamatan-on kun sa diin wala nasunod ang minimum health protocols.Ginpahibalo lang ang barangay sa ginhiwat nga misa kag blessing sang resort sang aga pero sang gab-i natabo ang foam party.Nagpatigayon man sang separado nga imbestigasyon ang PNP sa natabo.Base sa text message nga gin...
May duha ka mga pribado nga kumpanya ang nag apply sa karon bilang private motor vehicle inspection center sa Bacolod.Suno kay LTO Bacolod chief Reuben Tampos natalana pa ang pag inspect sang amo nga mga centers sang regional office.Ang tanan nga mga salakyan antes pa man maka pa rehistro ang maga agi sa inspection sang amo nga center bahin sa road worthiness sini ukon mapasiguro nga ini ang masaligan sa gihapon sa pagbiyahe.Suno kay Tampos kabahin ini sang land transportation management system kun sa diin gina paabot nga mangin online na ang mga transaksyon sa LTO.May connectivity ang accredited centers sa LTO.Sa Rehiyon Sais, ang Roxas pa lamang ang may yara sang private motor vehicle inspection center nga naga operate.Sa Bacolod ang duha ka mga private motor vehi...
Nagsapol na ang Human Resource sang probinsya sa mga nurses angut sa circular sang Department of Budget Management nga naga apekto sa mga position sang nurse.Suno sa gobernador, maga sakripisyo gid ang mga nurse bangud ang budget sang probinsya sa 2021 ang nasandig sa dbm instruction kun sa diin na downgrade ang position sang mga nurse magluwas sa nurse one.Pero suno kay Lacson sa 2022, maga himo sang bag o nga mga position ang probinsya kun sa diin ang mga apektado amo ang patuhuyan.Negatibo man ang nangin reaksyon sang mga nurse suno kay Lacson wala naman sila may maahimo pa kay nagasunod man lamang sila sang mando sang DBM.Nag papanaaog sang circular ang DBM kun sa diin gin modify ang position sang mga nurse para mapatuman ang mas mataas nga minimum salary for entry leve...
Bago PNP photoPatay ang 51 anyos nga si Emmanuel Sampani matapos gina alegar mag bato sa kapulisan sang siya ang serbehan sang warrant of arrest sang Biyernes sang gab-i sa Barangay Dulao sa Bago city.Ang PNP Anti-Kidnapping Group gikan Camp Crame upod sang intelligence unit sang NOCPPO kag BCPO amo ang nag panguna sang pag serbe sang warrant of arrest kay Sampani nga wanted sa kaso nga murder.Sa imbestigasyon sang PNP, sakay si Sampani sa iya motorsiklo kag sang makita na ang kapulisan, siya ang nag panaog kag nagdalagan sa katubohan agud mag panago.Samtang naga panago, suno sa pulis siya ang nagpalupok sang iya armas sa mga operatiba kabangdanan nga nag balos palupok ang mga pulis kag naigu si Sampani nga nag resulta sa iya kamatayon.Na recover sang PNP gikan sa suspe...
Victorias PNP photoPatay ang 24 anyos nga si Maribeth Solatorio matapos gin tiro sang wala pa makilal-an nga persona Biyerns sang gab-i sa Barangay 3 sa siudad sang Victorias.Sa imbestigasyon sang PNP, ang biktima nga nagakatulog na ang ginpukaw lang sang amay sang iya live-in partner bangud sa may naga pangita sa iya sa gwa sang balay.Pag gwa ni Solatorio, gilayon lang siya gin tiro. Gindala sa ospital ang biktima pero gin deklarar in dead on arrival.Nakuha sa crime scene ang isa ka empty shell sang caliber 45.Suno kay Police Major Eduardo Corpuz, ang biktima ang na tokhang na anay sang PNP kag karon nangin informant nga naga tudlo sang mga drug pushers sa Victorias City.Pamilya sang ila nadakpan nga drug suspect nga gintudlo ni Solatorio amo ginatan-aw karon sang ...
Probinsya sang Negros Occidental kag Bacolod city ang may pinaka manubo nga drug cleared barangays sa Western Visayas.36.94 percent ukon 222 lamang sang 601 ka mga barangay sa probinsya ang drug cleared rason nga nabalaka si Negros Occidental Governor Eugenio Jose Lacson.Paathag sang Philippine Drug Enforcement Agency daku ang nangin pagpanghangkat sang pandemya sa bilog nga proseso. Kasubong sang rehabilitation sang user nga apektado ilabi na sa mga barangay nga gin lockdown bangud sang COVID-19. Isa lamang ini sa mga requirement.Indi man ma risgo sang PDEA ang ikaayong lawas sang ila nga personnel. May napulo sila ka agent nga damlag pa nag positibo sa virus sa Bacolod kag Negros Occidental. Maga dugang man sang personnel ang PDEA.Suno sa gobernador, tungod sang sini nga ...
