Balita Hiligaynon

Rolando Egara photoNasapwan sang Sabado sa kilid sang suba Barangay Calindagan sa Dumaguete City ang isa ka fetus nga nasulod sa brown nga bag.Suno sa barangay kagawad nga si Rolando Egara, ang fetus nga wala na sang kabuhi ang nakita sang mga kabataan nga na nasulod sang bag upod sang mga bayo.Kahapon ang 21 anyos nga babayi nga nag pakilala nga iloy sang lapsag ang nag sungka man Dumaguete City Police Station.Iya gin ako nga iya gin haboy ang iya 7 ka bulan nga lapsag sa suba sang Sabado sang gab-i.Nahulugan siya suno sa iya gani iya na lang gin haboy sa suba ang fetus.

PCG photoIsa ka bangkay sang lalaki ang nasapwan kahapon nga naga utaw-utaw sa tunga sang lawud sa bahin sang Barangay Poblacion sa banwa sang Cauayan.Ini ang gilayon man gin hibalo sang Philippine Coast Guard - Negros kun bala ang lalaki amo ang mananagat nga nadula sa tunga sang lawud sa Barangay Miranda sa Pontevedra sang Biyernes sang aga.Suno kay Philippine Coast Guard - Negros head Commander Ludovico Librilla ginkumpirma sang utod sang lalaki nga siya ang na missing nga si Teodoro Castellano pinaagi sa iya sini nga tattoo sa abaga.Si Librilla ang nag siling nga mahimo naanod ang lawas sang biktima nga nadula sa tunga sang lawud matapos nga iya kuhaon kun tani ang nahulog nga container sang tubig sa tunga sang lawud.

Ginpapanaugan na sang siudad sang Bacolod sang notice of violation ang Transcom subong nga adlaw.Yara na karon sa quarantine facility sang siudad sang Bacolod ang 41 tanan ka mga empleyado sang Transcom nga nagpositibo sa COVID-19.Ginpahayag ni Bacolod Emergency Operations Center executive director Em Ang nga may kabudlayan sa karon sa ila bahin sa pagpatigayon sang contact tracing sa close contacts sang mga nagpositibo nga empleyado.Ini bangud may yara sang iban nga wala sa ila nga puluy-an kag may yara naman sang nagbiyahe pa sa gwa sang Bacolod City.Ginpahayag naman ni Negros Occidental Governor Eugenio Jose Lacson nga walo sa 41 ka mga nagpositibo ang pumuluyo sang Negros Occidental.Gani may pagkahangawa man ang gobernador sa mahimo paglapta sang virus sa probinsya....

Ang ini nga empleyado sang Transcom masulod pa kun tani sa opisina kaina sang aga para mag process sang maternity leave pero wala na siya ginpasulod sa building.Kagabi ginmando sang Bacolod Emergency Operations Center ang temporaryo nga pag sirado sang kompanya sa sulod sang beinte kwatro oras matapos nga may 41 na ka mga empleyado nga nag positibo sa covid 19 as of January 31.Suno sa executive director sang EOC kag city administrator nga si Em Ang isa ka 21 anyos nga empleyado ang una nga nag positibo sa balatian sang Enero 23 kag nag sunod sunod na ini.May mga nakita nga kapabayaan ang EOC sa operation sang sini nga BPO company suno kay Ang. Una ang pag pahanugot nga maka sulod pa sa trabaho sang isa ka empleyado sa opisina samtang gina hulat ang iya nga test result nga sang ...

La Castellana PNP photoPatay ang 25 anyos nga si Romulo Roto Jr, matapos tiruhon kag lampusan sang iya mismo nga amay nga si Romulo Roto Sr. sa Barangay Cabagnaan sa banwa sang La Castellana kahapon.Sa imbestigasyon sang PNP, nag pauli nga hubog kahapon ang anak kag nag hana nga pang labuon ang duha niya ka mga utod matapos kay wala siya gin pahulam sang kwarta.Sang makita ka amay, iya gin saway ang iya junior pero padayon ini sa pag atake sa iya mga utod. Ini ang nag tulod para tiruhon sang amay ang iya anak gamit ang boga.Ang anak ang naka kuha pa sang kahoy kag iya ginhaboy sa iya amay. Gingamit naman ini sang amay para ilampos sa liog sang iya anak nga gin tunaan sang iya sini kamatayon.Masami nga naga pangita sang away suno sa pulis ang anak kun nakainom.Gilayo...

Isabela PNP photoPatay ang 23 anyos nga si John Rey Atones matapos mabunggo sa steel post ang iya ginadala nga motorsiklo sa highway sa banwa sang Isabela kahapon.Pilason man ang iya duha ka angkas nga sanday Andrien Sumo kag John Marvin Valenzuela.Sa imbestigasyon sang Isabela PNP, maliko na kun tani sa kurbada nga dalan ang motor ugaling nadulaan sang kontrOl ang drayber kag nag rekta bunggo sa salsalon nga poste ang motor.Lunsay naka inom ang driver kag ang isa niya ka angkas suno sa pulis.Dead on Arrival sa ospital si Atonis matapos mag agum sang pilas sa ulo samtang padayon naman nga ginabulong sa ospital ang duha niya ka mga angkas.

PCG photoPadayon ang search and rescue operation sang Philippine Coast Guard kag sang Bantay Dagat sa banwa sang Pontevedra sa nadula nga mananagat nga si Teodoro Castellano.Suno kay PCG Negros head, Commander Ludovico Librilla, Biyernes sang aga pa nadula sa tunga sang lawud si Castellano.Naglumpat sa tunga sang dagat si Castellano suno kay Librillo bangud iya kun tani kuhaon ang nahulog nga suludlan sang tubig.Nagpanaog agud mag bulig ang iya upod kag iya gin habuyan sang container si Castellano agud may kaptan ini, pero sa iya liwat nga pag balikid matapos i siguro ang bangka, wala na niya makita si Castellano.Makusog ang balud sang amo nga adlaw suno sa Coast Guard.

PVO file photoHalos pito ka libo ka mga buhi nga baboy ang napadala sang Negros Occidental sa Luzon kag pila ka bahin sang Visayas saang bulan sang Enero.Sa report ni Dr. Renante Decena ang provincial veterinarian sa kay Governor Eugenio Jose Lacson, 6,894 ka mga baboy ang na pa gwa sang Enero.Sa monitoring naman sang probinsya sa presyo sang baboy sa merkado, nagsaka sa halos 16 pesos ang average sa kada kilo sang baboy sa February 1 nga monitoring kun ipaanggid sa jan 25 nga monitoring.Damlag pa ginsilin ni Decena nga ang feeds kag iban pa nga input nga nag mahal ang isa sa mga rason sang pagsaka sang presyo sang kilo sang baboy.Samtang, padayon ang pagpatuman sang probinsya sang hugot nga tikang para mapangapinan ang Negros Occidental kontra African swine fever.I...

Kaupod sang mabaskog nga drum beats, mabaskog man ang panawagan sang Philippine Dental health Association Negros Occidental chapter sa publiko nga likawan ang peke nga mga dentista kag ang maayo nga oral hygiene ilabi na karon sa panahon sang pandemic.Suno sa kay Dr. Janice Ianne Iran Bancaya, presidente sang Philippine Dental Health Association Negros Occidental chapter, siguraduhon nga lisensyado ang gina kadtuan nga denstista bangud may mga health protocols nga dapat gina sunod karon sa panahon sang pandemic.Indi kuno dapat pag isalig ang baba sa kun kay sino lang.Kalabanan kuno sa mga peke nga mga dentista ang naga panukot sang barato kun ikumpara sa lisensyado nga dentists pero delikado ang ila nga gina himo kag masami ang mga naga lala nga mga kaso gina salo na sang mga l...

Bacolod PIO photoMas estrikto nga pagpatuman sang minimum health protocols ang ginmando ni Mayor Evelio Leonardia sa mga pulis sa iya nga New Year’s courtesy call.Ang staff sang Bacolod City Police Office kag napulo ka station commanders ang nagtambong sa New Year's call sang alkalde.Suno kay BCPO spokesperson Lieutenant Colonel Ariel Pico, nangin hangkat sang alkalde nga panubuon na ang kaso sang COVID-19 sa Bacolod gani iya gin tugyan sa kapulisan nga sa gihapon tutukan ang kampanya batuk sa COVID-19.Ang estrikto nga pagpatuman sang minimum health standards kaangay sang pag suksok sang face mask kag physical distancing pati na ang curfew hours kag liquor ban amo ang luyag ni Leonardia nga ipadayon sang PNP.Indi man luyag sang alkalde nga maliwat ang kaangay sang natab...