Balita Hiligaynon

PNP maga hingyo sang bulig sa National Bureau of Investigation para makilala ang mga suspek sa pagpatay sa isa ka lalaki nga nag birthday sa isa ka resort sa San Enrique.Maga hingyo sang bulig sang NBI Bacolod ang San Enrique PNP para mapadasig ang lakat sang imbestigasyon sa kamatayon ni Ryan Villanueva.Suno sa hepe sang San Enrique PNP nga si Major Renante Salgado, pinaagi sa pag laragway sang babaye nga kaupod sang biktima mahimuan sang facial sketch ang mga suspek para makilala sila.Domingo sang aga sang ginsulod sang lima ka persona ang kawarto nga gina tiniran sang biktima kag sang iya kaupod nga babaye sa isa ka resort.Ginpagwa anay ang babaye antes gin ginpaulanan tiro si Villanueva nga nag angkon sang madamo nga mga pilas sa nagkalain lain nga bahin sang iya nga la...

Negros Occidental Police Provincial Office ang wala pa makabaton sang direktiba gikan sa ila national headquarters angut sa ginahimo nga imbestigasyon sang commission on human rights sa pagpaparada sa dalan sang Silay PNP sa mga naglapas sa health protocol.Suno sa spokesperson sang NOCPPO nga si Police Lieutenant Abegail Donasco, nagahulat lang sila sang direktiba gikan sa national headquarters kun ano ang tikang nga ila pagahimuon angut sa isyu.Sa karon, wala man sila may nabaton nga reklamo gikan sa mga ginpaparada sa dalan.Damlag pa, gin usisa sang CHR ang ginhimo sang Silay PNP bangud sang ila ginakabig nga human rights violation sa mga ginpaparada sa dalan.Suno kay Donasco, may yara man sang Human Rights Affairs Office kag Internal Affairs Service ang PNP nga sarang ma...

11IB photoNaglab-ot sa kinse minutos ang pag enkwentruhanay sang Dominggo sang tropa sang 11th Infantry Battalion kag sang gina patihan mga miyembro sang New People's Army sa Barangay Napacao sa banwa sang Siaton sa Negros Oriental.Suno sa army, ang tropa ang nagpatigayon sang Focused Military Operations a Sitio Balaskan sa amo nga barangay matapos may mag report nga mga residente nga may presensya sang mga rebelde sa lugar.Samtang naga patigayon sang operation, didto na naka enkwentro sang tropa ang anum ka mga armado nga gina patihan katapo sang NPA.Wala sang casualty sa bahin sang militar pero ila pa gina hibalo kun bala may napatay sa mga rebelde bangud sang mga dugo nga ila nakita sa area sang encounter.Matapos sang enkwentro, na recover sang tropa gikan sa mga ram...

Indi na dapat magkabalka ang mga alkalde sang mga banwa kag siudad para sa bakuna kontra COVID-19 sang ila tagsa ka mga pumuluyo.Ini suno kay Governor Eugenio Jose Lacson nga nagsiling nga siya ang ginpasalig na ni Sec. Carlito Galvez ang vaccine czar sa pila ka mga pagsinapol nila nga ang national government na ang magasabat sa pagpabakuna sang pumuluyo.Tigaylo abiso ni Lacson sa mga alkalde nga una dapat ipa siguro na ang pag pa register sang mga pumuluyo para sa natalana nag pagpabakuna. Sundon lang sa gihapon ang protocol kun sa diin una ang mga frontliner.Ika duha suno kay Lacson magabulig man sila kuntani sa pagkumbinsi sa pumuluyo sang importansya sang bakuna kontra COVID-19. Ini kasunod man sang manubo nga acceptance rate sa COVID-19 sa ginpatigayon nga survey sa mga fr...

Bacolod Emergency Operations Center ang nagsapul sa grupo sang media para maghinyo sang bulig sa pagpahangup sa publiko sang benepiyso sang COVID-19 vaccine.Nagsapul na sang Sabado sa Negros Press Club kag Kapisanan ng mga Brodkaster ng Pilipinas ang Bacolod EOC para maghinyo sang bulig sa information-education campaign para mapahangup ang publiko sang benepisyo sang bakuna.Magasugod naman sa Biernes ang training sang EOC sa mga doktor sang City Health Office, department heads sang siudad, mga barangay leaders kag health workers.Sila ang magahimo sang house to house campaign sa mga barangay.Magapagwa man sang mga poster kag flyers ang EOC para maathagan ang pumuluyo.Ginpahayag sang Department of Health nga madamo pa sa karon nga mga pumuluyo sa pungsod ang indi gusto ma...

76 na lang sa karon ang active COVID-19 cases sang Negros Occidental.Ini ang gina abi abi ni Negros Occidental Governor Eugenio Jose Lacson. Walo ka mga banwa kag siudad sang may zero active COVID-19 cases.Pero suno sa iya indi man masiling nga nalab-ot na sang probinsya ang peak ukon ang pinaka madamo nga kaso sini sang COVID-19. Padayon ang pagpahanumdom sa pag sunod sa minimum health protocols.Ang siudad sang San Carlos ang may pinakamadamo nga na record nga active covid 19 cases. Ang nabilin nga mga LGU may yara sang manubo sa napulo ka mga active COVID-19 cases.Samtang, binulan naman nga nag bukas ang border sang San Carlos City kag Vallehermoso sa Negros Oriental, gina paabot ang pagbukas man sang border sang mabinay sa Negros Oriental kag Kabankalan City.Suno sa ...

TF Disiplina photoTask Force Disiplina nangin estrikto na sa pag issue sang citation ticket sa mga nagalapas sang minimum health protocols sa mga pampubliko nga lugar sa Bacolod City.Sumugod sang Enero dise otso, siyam lang ka mga pumuluyo ang na isyuhan sang citation ticket sang task force bangud ila lang anay ginapahanumdum kag ginapaandaman ang mga wala nagasunod sa health protocol.Pero subong nga adlaw, may siyam ka mga persona sa Barangay Granada nga gin isyuhan nila sang citation ticket bangud wala sang face shield kag indi eksakto nga pagsuksuk sang face mask.Gina isa isa libot sang task force ang mga barangay sa bacolod kag ginapasiguro nga nagasunod sila sa ordinansa sang siudad nga nagamando sang pagsuksuk sang face mask, face shield kag pagsunod sa physical dista...