Balita Hiligaynon

Tatlo ka staff sang Sanguniang Bayan member sa Valencia amo ang bag-o nga kaso sang COVID-19 sa banwa.Kabahin man sa bag-o nga kaso sa probinsya ang bus driver sa banwa sang Amlan.May tatlo man ka bag-o nga kaso sa Tanjay, isa sa Santa Catalina kag isa sa Dumaguete City.May anum man ka bag-o nga recoveries ang siudad sang dumaguete gani ang active cases sa siudad nga sadto anay nag lab-ot sa masobra isa ka gatus ang karon 58 na lang.1620 ang total cases sang COVID sa Negros Oriental pero kag ang active cases ang yara na lang as 168. Nagalaum ang ground commander sang provincial IATF sa Negros Oriental, nga padayon na ang pagnubo sang kaso sang COVID-19 sa probinsya pero iya lang gina pahanumdom sa mga pumuluyo nga padayon sa gihapon ang pag sunod sa minimun health standards...

Nagdesisyon na ang gobernador nga indi pagpasakaan sang reklamo ang mag-asawa nga gikan sa Pontevedra kag tigaylo batunon ang ila nga paghinyo sang pasaylo.Suno kay Governor Eugenio Jose Lacson, nabatyagan niya ang sinsero nga mensahe sang mag asawa sang magsulat ini sa iya kag naghinyo sang pasaylo kag nag hatag sang paathag sa natabo.Suno sa gobernador klaro man nga may ginlapas ang mag asawa sang ila nga gindeklarar nga stranded individual sila imbes nga ituad nga sila ang nag gikan sa United Kingdom.Upod sang mag asawa ang ila nga anak sang mag pauli sa probinsya.Ang mag asawa ang nag positibo sa COVID-19 matapos nga gin swab pag abot sa Bacolod-Silay Airport.Suno kay Lacson ulihi na nahangpan nila ang kabug at sang ila nga ginhimo. Suno kay Lacson maga serbe ang am...

Labing importante ang cold storage para sa COVID-19 vaccines rason nga ginahaylo ni Dr Ernell Tumimbang ang mga local government units nga magbakal sang kaugalingon nga bio medical refrigerator.Suno kay Tumimbang padayon ang pagpanghanda sang probinsya sa natalana nga pagbakuna labi na nga ang target 70 percent sang populasyon ukon 1.5 million ka mga Negrense.Dapat ang mga banwa kag siudad may na identify ma nga vaccination site. Indi pwede lapta lapta bangud importante nga ma monitor ang mga nabakunahan para sa mahimo side effects sini.Suno kay Tumimbang maga renta ang probinsya sang refrigerator vehicle for transport kag magabakal sang cold transport box. Indi pwede nga ma kumpromiso ang kinahanglan nga temperatura para sa mga bakuna.Natalana ang isa ka simulation activit...

Kabankalan PNP photoPatay ang 40 anyos nga si Delbeth Laurente matapos lampusan sang martilyo sang iya man mismo nga mister nga si Saler Laurente sa sulod sang ila nga balay sa Barangay Camingawan sa siudad sang Kabankalan kahapon sang kaagahon.Suno sa Kabankalan PNP, naga katulog lang ang misis ala una sang kaagahon sang siya ang ginpukaw sang iya mister kag gilayon na lang gin lampuasn sang martilyo.Suno sa pulis, ang suspek ang naga suspetsa nga may ka relasyon nga lain ang iya misis kag suno sa iya gina planuhan nila nga patyon siya gani iya na nga gin unahan patay ang iya asawa.Ang mister ang nag surrender man sa PNP kag iya nga ginbilin ang ila nga mga anak sa balay sang iya utod.Siya ang detained karon sa Kabankalan PNP kag kaso nga parricide ang ipasaka batuk sa...

Sa Talisay City ang mga structure sa gwa sang daan nga city hall ang hinhawanan na. Samtang sa Kabankalan naman ang mga tricycle wala na gina tugtan sa magbiyahe sa highway sang siudad.Nag hawan na ang gwa sang old city hall sang Talisay City matapos mahawanan bilang kabahin sang mando sang Department of Interior and Local Government.Sadto anay mga mg naga negosyo pa sa higad sang dalan pero karon tanan gin hawanan na.Tayuyon na nga maka labay ang mga salakayan.Sa Kabankalan City naman, nag hawan na ang mga main highway matapos nga wala na ginpasugtan ang mga tricycle nga maka labay diri.Suno sa kay Mayor Pedro Zayco may mga drayber nga nag reklamo pero wala man sila may mahimo kay mando ini sang dilg kag may layi nga naga siling nga ang mga tricycle ang indi pwede sa m...

SOCOM-Bacolod Diocese photoMierkules de Badlis subong nga adlaw, panugod sang Lenten season para sa mga tumuluo sang simbahan katoliko.Sa San Sebastian Cathedral, ang kinaandan nga pag badlis ang ginpatigayon paagi sa pagbudbud sang abo sa ulo sang mga sumilimba.Ini agud to malikawan ang body contact santo sa gina patuman karon nga health protocol.Naka mask man ang mga sumilimba kag gina pasiguro nga lagka ukon may physical distancing sa tunga sang tagsa tagsa.Napulo ka misa ang gin schedule sa San Sebastian Cathedral para mapasiguro nga malikawan ang pagdagsa sang mga sumilimba.Damlag pa nagapahanumdom na ang simbahan nga indi lamang ang ritual kundi dapat nahangpan sang tumuluo ang matuod nga kahulugan sang Mierkules de Badlis.

Pagbukas sang provincial borders ang mahimo isa sa mga importante nga talakayon sa natalana nga Provincial Disaster Council meeting sa Biernes.Padayon man nga sirado ang border sang Negros Occidental kag Oriental pero may pila na ka bulan nga nag bukas sang border sini ang San Carlos City sa Vallehermoso sa Negros Oriental kag gina paabot man ang pag bukas sang border sang Kabankalan sa Mabinay, Negros Oriental.Suno kay Atty Rayfrando Diaz ang provincial administrator, mahimo nga amat amat na nga gina batyag ang fatigue ukon ang kakapoy tuga sang pandemya.Amat-amat naman ang pagbukas sang mga border sa iban nga kaiping nga probinsya kag siudad.Ugaling suno kay Diaz, may kabalaka sa gihapon gikan sa pila ka mga grupo sang duktor angut sa pag halog sa mga border control ilabi...

Bacolod DRRM file photoMag asawa nga taga Pntevedra nga nag gikan sa United Kingdom kag damlag pa ang nag positibo sa COVID-19 ang naghinyo sang pasaylo kay Negros Occidental Governor Eugenio Jose Lacson.Suno kay Provincial Administrator Rayfrando Diaz, personal nga nagsulat ang mag asawa sa gobernador kag nagpaathag man sang ila kaugalingon.Nag patigayon sang pag pangusisa ang Provincial Legal Office angut sang kaso sang mag asawa kasunod sang gin alegar ila misdeclaration kaangtanan sa ila nga pagbalik sa probinsya kun sa diin ila nga ginsiling nga sila ang mga stranded individual tigaylo nga mag pahayag nga sila ang gikan sa United Kingdom.Suno kay Diaz, lubos ang pagpangayo sang pasaylo sang mag asawa sandig sa kaundan sang ila nga sulat kag yara na sa gobernador ang de...

Nagahigda kag naga pahunay hunay lang sa ila katre ang mag live in partner nga sanday Rhanz Morre Banias kag Mary Liza Pahamutang sa sulod sang ila balay sa Purok Sigay, Barangay 2 alas pasado las 6 kaina sang aga, sang sila ang gulpi lang gin sulod sang isa ka armado nga persona.Suno sa PNP, gilayon na lang gintiro sang suspek sang makapila ka beses ang mag live in partner kag nag palagyo.Anum tanan ka bala ang na recover sa crime scene.Patay na sang mag abot sa ospital si Banias samtang si Pahamutang ang padayon naman nga ginabulong sa karon.Suno sa pulis, posible may kaangtanan sa iligal nga droga ang motibo sa pag paniro sa mag live partner bangud si Banias ang suno sa pulis kilala man nga drug pusher sa area.