Balita Hiligaynon

Totally destroyed ang isa ka balay sa Purok Paghigugma, Barangay Alijis sa Bacolod City matapos ginlamon sang kalayo sini nga udto.Sa interview sang media sa tag-iya sang balay nga si alyas “Lady”, pareho sila nga naga-obra sang iya bana kag ila ginadala ang ila bata, gani wala sang tawo ang ila balay.May nabilin ang pamilya nga vigil candle sa sulod sang baso kag nakatungtong sa altar. Ila ini ginasindihan para sa ila amay nga nagtaliwan sadtong Disyembre 27.Wala sang may nasamaran sa sunog.Suno sa Bacolod BFP, madasig nga naglapta ang kalayo bangud himo sa light materials ang balay.*

Wasak ang SUV matapos madulaan sang control ang driver kag nakabunggo sa truck sa national highway nga sakop sang Purok Matawhay Bridge, Barangay Binicuil sa Kabankalan City.Bangud sang insidente, nakaangkon sang injury sa paa ang 35-anyos nga driver sang SUV.Nag-gwa sa traffic investigation nga nagasugat-anay ang SUV kag ang truck nga gina-maneho sang 32-anyos nga driver.Nag-overtake sa Ceres bus ang SUV apang nadulaan sang control ang driver rason nga nagbalang-balang ini.Nagtinghua nga maglikaw ang driver sang truck apang nakabunggo sa gihapon ang SUV.Gindala ang pilason nga driver sang SUV sa Kabankalan District Hospital apang gin-refer sa ospital sa Dumaguete City.Maga-deliver kuntani ang truck sang karga nga balas sang magluntad ang insidente.*

Gin-serbe sang agents sang Bureau of Immigration-Region 7 kag sa ila central office sa Manila ang Mission Order nga gin-issue sang BID Commissioner batok sa Estonian vlogger nga ginakabig “undesirable alien” bangud sang iya pagsupak sa Philippine Immigration Act of 1940.Bangud sini, posible nga iga-deport ang Estonian national.Damlag lang, gindakup ang Estonian vlogger bangud sa reklamo nga pagkuha sang video sa mga kabataan nga wala sang pahanugot ukon wala makalisensya sa ila mga ginikanan.Gin-serbehan sang search warrant ang foreign national sa complaint nga gin-file sang isa ka residente sa Bagacay, Dumaguete City sa kaso nga Anti-Photo and Video Voyeurism Act of 2009.Gindeklarar man nga “persona non grata” sang Sangguniang Panlungsod sang Dumaguete ang Estonian nat...

Sugar Regulatory Administration ang nag klaro nga sila mismo ang naga hulat man sang official release sang Sugar Order.Ini may angut sa pag export sang of 100,000 metric tons sang kalamay sa Estados Unidos.Ini ang ginpahayag ni SRA Administrator Pablo Luis Azcona bilang sabat sa ginpagwa man nga pahayag sang NACUSIP-TUCP nga wala sang transparency bangud nga wala sang published sugar order.Suno kay Azcona nakahibalo man ang NACUSIP-TUCP sa dinekada na nga pagtrabaho upod sa sugar industry nga ang official publication sang ano man nga sugar order naga paidalom sa proseso humalin sa tion nga ang Sugar Board maga approve sang order kag pag forward sini sa University of the Philippines para sa recording antes sa official release.Iya gina haylo ang NACUSIP-TUCP sa pag consul...

Acquisition sa road right of way sa mga duta nga maapektuhan sa Panay-Guimaras-Negros Bridge ang gina paabot suguran sini nga Abril.Ini suno kay Department of Development Negros Island Region Director, Arecio Casing, Jr., sa interview sang programa Straight to the Point sang DYHB-RMN Hwebes sang aga.Nahuman na ang Detailed Engineering Design report kag iga submit ini sa Economy and Development Council nga gina pamunuan ni President Ferdinand Marcos, Jr., para sa dugang nga evaluation kag approval.Magalawig ini sang anum ka bulan tubtob isa ka tuig. Pero sa amo man nga tion nalakip ang pag panghanda para sa loan agreement sa Korean funders.Suno kay Casing mahimo nga sa tunga-tunga na sa madason nga tuig matigayon ang actual nga construction sang taytay.Pero ang pag s...

Posible nga bag-ohon sang Department of Public Works and Highways ang disenyo sang ginahimo nga diversion channel sang baha sa Bacolod City.Ini matapos ginpahibalo sang DPWH kay Bacolod City Mayor Greg Gasataya nga may ara sila sang ginbag-o sa disenyo sang proyekto kag naga-request sang isa ka meeting agud matalakay ini.Ginapaabot nga matapos ang nasambit nga proyekto sa ikaduha nga semana sang Disyembre, apang nadugayan ini bangud sang design changes.Nanindugan naman si Gasataya nga kinahanglan mangin functional na ang diversion channel sa mas madali nga tion, kag dapat tugutan nga mag-angot ang mga local drainage system sa channel.Suno pa kay Gasataya, ang katuyuan sang diversion channel amo ang pag-divert sang Mambuloc Creek kag pag sugpon sang mga local drainage, a...

Ginsuguran na sang Bacolod City Legal Office kaina sang aga ang demolisyon sang 37 ka mga pamalay nga nahamtang sa Purok Balinday, Barangay 2 .Sa 37 ka mga balay nga gin-demolish, 27 ang nagatindog sa duta sang gobyerno, samtang 10 naman ang yara sa pribado nga lote. Tanan nahamtang malapit sa creek.Suno kay Barangay 2 Punong Barangay Imelda Banguanga, ang mga tag-iya mismo sang mga pamalay ang nagpang guba sang ila mga balay kag nanghimos sa lugar, rason nga nangin matawhay ang ginpatigayon nga demolisyon.Dugang pa niya nga sa 37 ka mga household nga ginpahalin, 20 diri ang nakabaton sang lugar para relocation sa Arao, Barangay Vista Alegre. Ang napulo naman ang napaslawan bangud sang kulang nga tinion sang pag-istar sa lugar, wala nag-apply, kag ang iban diri ang una na n...

Nagsaka sa 78 ang volcanic earthquakes nga na record sang PHIVOLCS sa bulkan Kanlaon sa 24 hour monitoring report nila.Suno sa PHIVOLCS balantayan sa masunod nga mga inadlaw kun maga padayon ini. Pero, dapat magapabilin nga alerto ang publiko.Paathag ni Teresito Bacolcol ang Director sang Philippine Institute of Volcanology and Seismology ang volcanic earthquakes nagakatabo bangud sang pag crack sang mga bato sa idalom sang bulkan bangud sang magmatic intrusion ukon naga pangita sang alagyan ang magma.Suno kay Bacolcol ang eruption process naga sugod sa mga volcanic-tectonic nga earthquakes kag kun mag sige naga dangat ini sa mga tremors.Buot silingon ang volcanic earthquakes ang ginakabig panugod ukon initial stage.Pero klaro niya, tungod lamang nga may pagsaka kar...

Magabakal ang City Government sang Bacolod sang 10 ka electric vehicles nga naga balor sang masobra ₱14 milyon. Office supplies ang gin-turn-over man.Sa ginpatigayon nga turn-over ceremony sa Bacolod City Police Office Headquarters, ginbaton ni BCPO Director Police Colonel Joeresty Coronica ang mga gin-donate nga kagamitan.Kabahin sa donasyon ang 36 ka units sang computers kag printers nga ipanghatag sa nagkalain-lain nga police stations kag mobile forces sa Bacolod City.Gin-turn over man ang 40,000 rounds sang 9mm ammunition nga iga gamit sa padayon nga training sang BCPO SWAT personnel.Sa pihak sini, magabakal man ang City Government sang Bacolod sang 10 ka electric vehicles nga naga balor sang masobra ₱14 milyon, nga iga-turn over sa 10 ka police stations sang syudad.Suno kay ...

Provincial Health Office ang padayon nga naga pahanumdom sa publiko nga pabakuron ang immune system labi na sa paniempo karon.Suno kay Dr Girlie Pinongan ang Provincial Health Officer sang Negros Occidental, wala labot sang flu, ila nga namutikan ang pag saka sang kaso sang pneumonia.Pero ini sila ang nadapatan na sang bulong kag nahatagan sang nagakaigo nga medikal nga pagtatap.Uso sa karon ang pag-ubo, pag-sip-on kag trangkaso dala man sang mabugnaw kag kasubong man gilayon nga pag kambyo naman sa mainit nga panahon.Ang nutritional status sang isa ka persona isa man sa mga factor nga naga apekto kasubong ang ila nga exposure.Wala pa man ang probinsya suno sa iya sang may na-record nga kaso sang superflu.Abiso niya sa publiko nga maghalong sa tanan nga tion. Kun naga masakit u...