Patay ang isa ka empleyado sang Guihulngan LGU matapos gintiro sa Sitio Mainit, Brgy. Bulado, Guihulngan City, Martes sang gab-i.
Ang biktima isa ka 54-anyos nga lalaki kag residente sang amo nga lugar, samtang ang tatlo ka mga suspek gina-alegar katapo sang New People’s Army.
Sa imbestigasyon sang Guihulngan City PNP, nakita sang mga pumuluyo nga may ara sang tatlo ka mga lalaki nga nagabitbit sang matag-as nga kalibre sang pusil.
Hinali na lang nila nga ginpaarakan tiro ang biktima nga nag-agum sang pilas sa nagkalain-lain nga bahin sang iya nga lawas nga nangin kabangdanan sang iya nga kamatayon.
Nagapadayon man sa karon ang imbestigasyon sang kapulisan sa natabo nga pagpaniro.
[sibwp_form id=1]