Shadow

Cashless transaction sa mga merkado ginaduso

YouTube player

Nasuguran na ang automated cashless transaction sa mga private bus sang nagpeak ang pandemic.

Gani ginaduso man karon ni Councilor Celia Flor, pamuno sang Committee on Markets and Slaughterhouse nga mapatuman ang digital payment system sa mga merkado, public tranportation kag sa iban pa nga commercial establishment sa siudad.

Nagapati si Flor nga mas mangin madasig ang transaction kag mapaiway ang daw-anay sang kwarta paagi sa amo nga sistema.

Si Ricardo Saberon nagabaligya sang lahing kag dahon sang saging sa Burgos Public Market. Pabor man siya kuntani sa moderno nga pamaagi sa negosyo. Ugaling indi smart phone ang iya cellular phone. May pagkabalaka man siya nga basi pamentahaan sang mga scammer ang sistema.

Suno kay Flor mangin kaupod sang siudad ang Bangko Sentral ng Pilipinas sa pagpasiguro nga mapunggan ang mga magapamentaha sa cashless transaction paagi man sa paleng-qr system.

Ang komitiba ni Flor ang natalana nga mapatigayon sang public hearing para man sa ginadihon nga digital payment system nga kabahin na sa ginahimu nga pagpanghanda sang siudad para sa pag-transform sang Bacolod sa isa ka smart city.

Secured By miniOrangeSecured By miniOrange